Ol Wei blong Givim Seves long Krismas taem

Presiden Monson i tekem taem blong visitim ol olfala mo olgeta we i stap long ol haos blong ol olfala, speseli long taem blong Krismas. Hem i talem i klia se olgeta ia nao oli hapi from oli gat ol visita, be ol narafalawan oli stap hop nomo from ol visita we oli neva kam. I gat ol pipol we oli stap wet from wan man—ating long Krismas ia, yu, save stap olsem wan long ol man ia.

Lis ia i sam long ol wei nomo we yu save helpem blong mekem se i no gat wan i filim se hem i stap hemwan long krismas ia. Yu fri blong tingbaot plante moa wei we yu save givhan insaed long komuniti blong yu long holidei taem ia. “?I gat wan we i stap wet from visit blong yu?”

• Mekem ol Krismas kad blong sendem i go long ol misinari mo long ol memba we oli stap olgetawan nomo mo olgeta we oli olfala insaed long wod o branj blong yu.

• Mekem volontia wok wetem wan lokol komuniti oganaesesen.

• Givim ol kopi blong Buk blong Momon olsem wan Krismas presen i go long ol fren mo ol neiba.

• Visitm ol olfala pipol insaed long wod o famle blong yu.

• Mekem sam naes samting blong go putum long haos blong neiba blong yu.