Veitavi e Muataki ki na Bulamarau

E vakatavuvulitaka o Peresitedi Eyring ni “bulamarau eda vinakata kivei ira na noda daulomani e sa vakatau ki na nodra digidigi.”

Sa rawa ni o wilika na veika e rawa ni yaco ena revurevu ni digidigi mai na ivakaraitaki nei Nifai, Leimani, kei Lemueli. Rau a vosa kudrukudru o Leimani kei Lemueli ka rau sega ni via muria na ivakaro (raica na 1 Nifai 2:12). Na kena vatuka, o rau kei ira na nodrau kawa era a tamusuki tani mai na mata ni Turaga (raica na 2 Nifai 5:20-24). A digitaka o Nifai me talairawarawa ki na ivunau (raica na 1 Nifai 3:7), ka baleta o ya, “[era] sa tiko marau” o koya kei ira na nona tamata (2 Nifai 5:27).

Sa rawa ni o digitaka mo buladodonu ka bulamarau. Ia na tamata era wavoliti iko era na rairai digidigi cala voli ga ka veimuataki ki na bulararawa kei na dredre. E dina ni sa nodra na cakava na vakatulewa o ya, ia, na nomu ivakaraitaki sa rawa ni vakayarayarataka na nodra digitaka na vinaka. Ena kauta vakacava mai na bulamarau vei ira na tani na nomu digidigi? Veivosakitaka kei na nomu matavuvale na veika duidui e so o rawa ni vakayarayarataki ira kina vakadodonu na tiko wavoliti iko ka vukei ira mera vakila na bulamarau.