M̧akūtkūt Ko Me Rej Tōlļo̧k N̄an M̧ōņōņō

Būreejtōn Eyring ej katakin bwe “m̧ōņōņō eo jekōņaan n̄an ro rejitōn bōro ippād ej pedped wōt ioon kālet ko aer.”

Komaron̄ riiti wāween ko rej waļo̧k ikkijen kālet ko ad jān waanjon̄ak ko an Nipai, Leman, im Lemuel. Leman im Lemuel raar ellotaan im kar jab kōņaan kōjparok kien ko (lale 1 Nipai 2:12). Tōprak in jab pokake eo aer, er im ro ineer rekar lia im mwijkōk jān im̧aan mejān Irooj (lale 2 Nipai 5:20–24). Nipai ekar kālet bwe en pokake kien ko (lale 1 Nipai 3:7), im kōn wōt menin, e im armej ro an “rekar mour ilo juon wāween elem̧ōņōņō” (2 Nipai 5:27).

Komaron̄ kālet bwe kwōn wāppen im m̧ōņōņō. Ak armej ro ipeļaakūm̧ renaaj kōm̧m̧an wōt kālet ko rejjab em̧m̧an, ko rej tōlļo̧k n̄an jool ak aplon̄lon̄. Tōre in jokālet kein rej aer n̄an kāleti, waanjon̄ak eo am̧ emaron̄ jipan̄ er ilo kālet ko aer n̄an emmanļo̧k eo aer. Ewi wāween an kālet ko am̧ maron̄ bōktok lem̧ōņōņō n̄an ro jet? Kōnono ippān baam̧le eo am̧ oktak in wāween ko remaron̄ in kōketak ro ipeļaakūm̧ im jipan̄ er m̧ōņōņō.