Dua na Yavu ni Noqu iVakadinadina

Niu se yabaki 16, a basika mai vale e dua na itokani vata kei rau na daukaulotu. Ena loma ni vula ni matai ni veiwasei, a saumi vakamatata saraga na noqu taro taucoko. Au a vakila na Yalo Tabu ni vakadinadinataka na dina taucoko ni tukutuku me baleta na Veivakalesuimai. E a sega ni vakataka e dua na ka au a vakila mada, kau kila ni ra sa dina taucoko.

Ia, au a sotakaya e levu na vakaduiduile kei na veisaqasaqa mai na kena eliu. Au vakila na galili, oca, kei na veilecayaki. Kevaka au a caka dodonu voli, cava na vuna au sotava tiko kina e levu na veivakacacani. Au sega ni kila vakamatata rawa na iwalewale ena vakavinakataki au kina na noqu veivakatovolei. Rau a vakatavulici au na daukaulotu meu lolo ka masumasu, ena loma sara mada ga ni siga ni vuli. Ni sa sega ni taqei rawa na veika eso, au na tadolava na lomaqu ka vakila kusarawa na vakacegu ni Yalotabu.

Na macawa ni noqu papitaiso a vakasinaiti ena veivakatovolei. A veivakarerei me tamusuki au na noqu boso kevaka au sega ni veisautaka na noqu papitaiso ka sosomitaka e dua tale, au a tini ki valenibula ena mate ni ivi, ka rau kerei au na noqu itubutubu meu vagalala mai vale. Ni baya tu vei au na veika eso, na ka au rawa ni cakava oya meu vuki vua na Turaga.

Na veivakatovolei yadua oya qai yaco mera yaga kece kivei au. Era vukei au meu vulica na ivunau ni kosipeli, ka vakarautaka vei au e dua na yavu ni noqu ivakadinadina.