Mere Gawahi ke Liye ek Buniyaad

Jab mai 16 ki thi, ek dost hamare ghar aaya prachaarakon ke saath. Ek mahine ke andar humne pehla discussion(charcha) kar liya tha, mere sabhi sawaalon ka achchi tarah jawaab mil gaya tha. Maine Pavitra Aatma ko mehsoos kiya Punahsthaapna ke sandeshon ki sachchaai ki gawahi dete huwe. Maine kabhi aysa nahin mehsoos kiya tha, aur mai jaanti thi yeh sab sach hai.

Haalaanki, maine pehle se bhi zyaada namanzuri aur virodh anubhav ki thi. Mai akelapan, thakaan, aur pareshani mehsoos kar rahi thi. Agar mai sahi cheez kar rahi thi, to mujhe kyun itna durbhaagye sehna pad raha tha? Mujhe nahin samajh aa rahi thi kaise yeh mushkilein mere achchaai ke liye hai. Prachaarakon ne mujhe upwaas aur prarthna karna sikhlaya tha, chaahe woh paathshaala ke din bhi ho. Jab kaarye sehne laayak nahin hote mai prarthna karne lagti aur turant hi Aatma ka sahanubhuti mehsoos karti.

Mere baptisma waala hafta mushkilon se bhara tha. Mere boss ne mujhe naokri se nikaalne ki dhamki di agar mai baptisma ke din kisi anye saathi ke liye kaam nahin karti, mai aspataal pahunch gayi kidney mein patthar ki peeda se, aur mere maata/pita ne mujhe ghar se nikalne ko kaha. Kyunki itni saari ghatnaaen ghati jo mere bas mein nahin thi, maine sirf Prabhu par bharosa rakha.

Un mein se har ek musibat mere faaede ki hi nikli. Unke zariye mai susamachaar ke siddhaanton ke baare mein seekh paayi, jisse mere gawahi ko ek buniyaad mila.