Iren Mahsen en Padahk en Pas, Pepweri 2016
Pwopwoud Wia Kasarawi en Koht
Onop ni kapakap dipwisou wet oh rapahki ken wehwehki dahme ken sapaniki. Ia duwen wehwehki “Peneinei: Kalohk Ehu ong Sampah” eh pahn kalaudehla ahmw pwoson Kauno oh kapaiada irail kan me ke pwukoaki ni ansoun padahk en pas? Ong pil ekei iren kapehse, tehk relief society.lds.org.
Pwoson, Peneinei, Sawas
Soukohp kan,wahnparon kan, oh kaun kan doudoulahte ong “kalohk tengeteng me pwopwoud nan pwungen ohl emen oh lih emen wia kosondien Koht oh me peneinei inenen kesempwal ong Sapwellimen Soun Kepikipiko kosondi.”1
Elder D. Todd Christofferson en Pwihnen Wahnparon Ehk-riemeno kosoia: “Peneinei ehu me wiawihda pohn pwopwoud en ohl emen oh lih emen kin wiahda mehkoaros me keieu kaselel ong Sapwellimen Koht kosondi en keirdao. …
“… Kitail de pil sohte emen aramas kak kawehla kosondi sarawi en pwopwoud wet.”2
Bonnie L. Oscarson, president lap en Peinakapw Akan, kosoia: “Aramas koaros, sohte lipilipil ma pwopwoud de soh de neirail seri depe, kak wia soun poadoandoar en Sapwellimen Kauno kosondi me sansalehr nan kalohk en peneineio. Ma iei e wia Sapwellimen Kauno kosondi, e uhdahn pil pahn wia atail kosondi!”3
Elder Christofferson pil doula: “Ekei kumwail kahmahmkihla kapai en pwopwoudo ong kahrepe kei iangahki ehu apwal en mehkot me mie kesikpe, ineng nan pwungen ohl/ohl oh lih/lih, ohlahn paliwar de mwahliel, de ni mengei per en soh-pweida. … De ele kumwail pwopwoudehr, ahpw pwopwoud wo ididier. … Ekei kumwail me pwopwoudehr sohte kak wiahda seri. …
“Pil ehu, … emen emen kak wia ah tou ong kosondi sarawi me saikinte sansalada nan ehu ehu dihen aramas.”4
Pwuhk Sarawi Kapatapat akan
Senesis 2:18–24; 1 Korint 11:11; Doctrine and Covenants 49:15–17
Koasoai Momour kan
Brother Larry M. Gibson, me wia sounsawas keieu ansou ieu samwalahro nan presidensi lap en Mwahnakapw, tamatamante ansou me Shirley, me ansouet wia ah pwoud, kooasoai:
“‘I pokohng kumwail pwehki I ese me amwail poakohng Kauno laudsang amwail pokohngie.’ …
“Pasapengo sair mohngiongi. …
“… [Oh] I anahne en ansou koaros pehm me I poakohng Kauno pohnangin mehkoaros.”5
Elder David A. Bednar en Pwihnen Wahnparon Ehk-riemeno padahngki: “Kauno Sises Krais iei me kitail en uhdahn rong nan ehu inoun pwopwoud. … [Medewehla mwo] Sounkomouro ketidieng pohn ehu wasa me keieu ileile en [ehu] triangle, a emen lih ni ehu keimw oh emen ohl ni keimw teio. Met medewe dahme kin wiawi nan pwungen ohlo de liho ni ara pahn torohrki oh song ‘alehda Krais’ oh nantiheng ira en ‘unsekla Reh’ (Moroni 10:32). Pwehki oh sang rehn Sounkomouro, ohlo oh liho kin patpene.”6
© 2016 sang Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/15 Kamanaman ong kawehwe: 6/15. Kawehwehpen Visiting Teaching Message, February 2016. Pohnpeian. 12862 885
Medewe Met
Ia duwen ahi pahn pein song nantiheng “alehda Krais”?