Iren Padahk en Pas, Mahs 2016
Kepikpikda Rasehng Koht
Onop ni kapakap dipwisou wet oh rapahki ken esehla dahme ke pahn ehukihiheng mehteikan. Ia duwen wehwehki “Peneinei: Kalohk Ehu ong Sampah” eh pahn kalaudehla ahmw pwoson Koht oh kapaiada irail kan me ke kin apwalih ni padahk en pas? Ong pil ekei iren kapehse, tehk reliefsociety.lds.org.
Pwoson, Peneinei, Sawas
“Koht eri pil ketin mahsanih, Kitail pahn wiahda aramas rasehng kitail. …
“Koht eri ketin wiahda aramas rasehng Ih, rasehng Koht E ketin kapikada rasehng ih; E ketin kapikada ohl oh lih” (Senesis 1:26–27).
Koht iei Samatail Nanleng, oh E ketin kapik kitailda rasehng Ih. Pwehki mehlel wet, Presiden Thomas S. Monson mahsanih: “Samatailo Koht mie karongahr pwehn karonge atail kapakap kan. Mie sihlahngihr pwehn mahsani atail wiewia kan. Mie douwasahr pwehn wia sapwellime pahngoak ong kitail. E ketin sapwellimaniki mohngiongehu mehn poakehla oh limpoak. E wie ketket. E ketin ieias. Kitail wia sapwellime seri kei me wiawihda duwehte ih. Kitail duwehte ih oh e ketin duwehte kitail.”1
Souleng en Imwin Rahn-akan kin wiahki aramas koaros seri en Koht ni unsek; re kin wiahki aramas koaros sarawi sang ni tapi, mwohmw, oh mehkoaros.2 Emen emen “pwutak de serepein ngehn wia sapwellim sahm oh ihn nanleng.3
“[Soukohp] Joseph Smith pil wehwehkiher me Koht ketin kupwurki Sapwellime seri kan en ale soangen mour kesempwal me E ketin sapwellimankio.”4 Ni duwen me Koht ketin mahsanih, “Pwe kilang, iet ahi doadoahk oh ahi lingan—pwe en kapwaiada komour oh mour soutuk en aramas (Moses 1:39).
Iren Pwuhk Sarawi Kapatapat kan
Senesis 1:26–27; 1 Korint 3:17; Tehk Doctrine and Covenants 130:1.
Sang Pwuhk Sarawi kan
Rien Jared ohl nan Pwuhken Mormon rapahki ahlen kamarainda wahr ko me wiawihda pwehn wa mehn Jared ko oh kotehla madau me kolahng sahpwen inouo. E “ketin karangadahsang ni paip ehu kisin takai eisek-weneu” oh kapakapkihong Koht en ketin “saireki takai ko”senden ni Limeo “pwe ren kak marainpeseng nan rotorot.” Koht eri “ketkihla mwowe limeo oh wad ehu saireki takai ko.” Mesen rien Jared ohlo eri marainpeseng, oh “ih eri kilangada senden Limen Kauno; oh e duwehtete sendinpehn emen aramas. …
“Oh Kauno eri mahsenihong ih: Ke kamehlele dahme I pahn koasoaia kat?
“Oh e sapeng: Ei, Kaun.”
Oh “Kauno eri ketin kasalehda kahlapeo ong [rien Jaren ohlo] “oh mahsanih, “Kilang pwe ke wiawihda duwehte pein ngehi? Ei, tehn aramas koaros wiawihdahr ni tapio duwehte pein ngei. (Tehk Ether 3:1– 17.)
© 2016 sang Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/15. Kamanaman ong kawehwe: 6/15. Kawehwehpen Visiting Teaching Message, March 2016. Pohnpeian. 12863 885
Medewe Met
Ia duwen wehwehkihla me emen emen aramas wiawihda duwehte Koht eh kin seweseikitail ni atail kin patehng mehteikan?