Mulwol ni Ngan Fil ni Ngan Nang, April 2016
Bpin ni Fak e Chitamangdad ni Manemus
Meybil mag bi’eg e ra babyor ney mag gay ni ngam nang ko mang e ngam weliy. Urogon ni rayog ni ngan nang fan “The Family: A Proclamation to the World” nge mon’og nag e mich rodad ngak Got me yibliy e pi cha’en ni gadad matangiydad udaken fare mulwol ni ngan fil? Ra tin ni gaba a’dag ni ngam nang, man ko reliefsociety.lds.org.
Mich, Tabinaew, Ayuw
Fare thin nib thothup e ke fil ngodad “ni gadad fapi fak Got” (Acts 17:29). Got e yog ngak Emma Smith, bpin ko fare Profet Joseph Smith, ni “fakag nib bpin” (D&C 25:1). Fare m’ag ko tabinaew e ke fil ngodad ni gadad gubin “ma gadad ba tu’uf … pi fak nib bpin rok e galabthir rodad ni bay u tharmiy.”1
“U langin e [bin somm’on e yafos], ma kad filed marang’agen e bpin ni manemus,” ke yog Carole M. Stephens, bin somm’on e counselor ulan fare Relief Society general presidency.
“Wub rodad nga fayleng e dani thiliyeg e tin riy’ul’ ban’en.”2
“Chitamangdad ni bay u Tharmiy e manang fithngam nge salpem,” ke yog Elder Jeffrey R. Holland ko fare Ulung ko fare Ragag nge L’agruwi Apostles. “Be rung’ag e meybil rom. Manang e athap nge lik’ay rom, nib mu’un e murus nge chachalban ngay.”3
“Gadad gubin ma bay tagil’dad ma gad ba tu’uf ulane fare tabinaew rok Got,” ke yog Walagdad nib bpin i Stephens. “Tabinaew nu fayleng e ra be’ ma ba thilthil ya’an. Ma ngiyal’ ni gadad be gay rogon ni ngad tay falen chongin e pi tabinaew rodad, chongin fapi tabinaew rok Got e dar taga’ nga dakan e rogon—e mabgol, fanow ko galabthir, urungin e salpiy rom, rogon pangin, fa pi pingin ni gama tay ko social media.”4
Yug Pithin ko Chep nib Thothup
Cheppin Rodad
U langin e biney ni Yibi M’ug5 fare Profet Joseph Smith e dag boech ban’en nib riyul’—nib mu’un fare Chitamangindad ni bay u Tharmiy e manang fithngan dad.
Fel’ yangran Joseph ma dani nang ko bin ngan e galasia e nge un ngay nge kanawo’en ni bay ulane James 1:5. Joseph e yog ni ra fith ngak Got.
Reb e kadbul ko spring ulangin fare 1820, me yan nga fithik e bpan nge meybil me yib bangi gelngin ko talimar ni rib alamrin. Ko pin’ey ma ke yoloy:
“Ko chi ngiyal’ nem, mug guy ra’en e magal nga dakan loeligeg, nib gel ra’en ko yal’, ni yibi yib nge aw ngadakanag.
“De’ n’uw napa’an ni key yibi aw nga dakaenag ni kug piri’eg nike chuw fare to’ogor nike m’ageg nigeg. Nap’an ni yibi tal’ farengi tamilang nga dakenag mug guy L’agruw Ni’, nibe gal rama’enrow ma dariy’ thibngirow u ban’en, yow be sak’iy ngalang rog u daken e nifeng. Me non bagyow ngog, nike yip’ pa’ ngak bagyow, —Ireray Fakag nib T’uf rog. Mu Motoyil Ngak!” (Joseph Smith—History 1:16–17).
© 2016 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko Visiting Teaching Message, April 2016. Yapese. 12864 905
Mu Lemnag e Ren’ey
U rogon ni gamanang ni gur e bpin ni fak Got e ra ayuweg nem ko pi n’en ni gabe dugliy ni ngam rin’?