2016
Woh Tumhe Apne Kaandho Par Bithaaega aur Tumhe Ghar Lejaaega
May 2016


Shikshan Sandesh Bhent, May 2016

Woh Tumhe Apne Kaandho Par Bithaaega aur Tumhe Ghar Lejaaega

Jaise Achcha Charwaaha Apne khoye huwe bhed ko dhoondhta hai, agar tum sirf apna hriday duniya ke Uddhaarkarta ko do, Woh tumhe dhoondh lega.

Mujhe baar baar ek bachpan ki yaad satati hai dur ke aasmaani-aakraman ke siren ki aawaaz sunna jo mujhe neend se jagata hai. Thodi der baad, ek aur aawaaz, propelleron ka khadkhadaana aur bhanbhanana, dhire se zor hota hai jabtak hawa ko hila na de. Hamare maa se achche prashikshan paane ke kaaran, hum bachche apne beg lete aur pahaad ki or ek bomb suraksha sthaan ki or daudte hai.J ab hum jaldi se jaa rahe hote hai raat ke andhere mein, hare aur safed girte huwe aag aasmaan se aate hai bombers ko ishara karne ke liye kaha girana hai. Yeh ajeeb hai, ki sabhi in girte huwe aag ko Badadin ke ped kehte hai.

Mai chaar saal ka hoon, aur mai ek vishwa yudh ka gawaah hoon.

Dresden

Mere parivaar ke niwaas sthaan se kuch dur Dresden shahar tha.Jo log wahan rehte the shaayad unhonne mujhse hazaar guna zyaada ayse vaardaat dekhe the. Bhaari aag ki aandhiyaa, jo kayi hazaar ton ke baarud se hota tha, Dresden bhar mein ghata, shahar ka 90 pratishat se zyaada bhaag nasht karta hua aur thoda hi reh gaya karkat aur raakh ki siwaae.

Thode se hi samay mein, woh shahar jise “Jewel Box” kaha jaata tha, nahin raha. Erich Kästner, ek German lekhak, ne is barbaadi par likha, “Ek hazaar saal mein uski sudarta banayi gayi thi, ek hi raat mein woh puri tarah nasht hui.”1 Mere bachpan mein mai kalpana nahin kar paa raha tha ki kaise ek yudh jo hamare hi logon ne shuru kiya se nikla jaa sakta hai.Hamare aas paas ki duniya bilkul aashaheen aur bina koi bhavishye ke lagni lagi thi.

Pichle saal mujhe maoka mila Dresden lautne ka. Yudh ke Sattar (70) saal baad, yeh, ab phir, ek shahar ka “Jewel Box” hai. Khandare hata diye gaye hai, aur yeh shahar pehle jaisa aur usse behtar ho gaya hai.

Mere daore ke daoraan maine us sundar Lutheran girja Frauenkirche, the Church of Our Lady ko dekha. 1700s mein pehle bana, yeh Dresden ka chamakta gehna tha, par yudh ne ise bhi khandar kar diya tha. Kayi saalo tak woh waisi hi rahi, ab jaake tay hua ki Frauenkirche phir se banayi jaaegi.

Nasht girja ke pattharein batori aur darj ki gayi thi aur, jab mumkin hua, unhe phir se banawat mein istemaal kiya gaya. Aaj aap in aag-mein-jale pattharon ko baahar ke deewaaron par lage dekhoge. Yeh “dhabbe” sirf is imaarat ke yudh ke itihaas ki yaadein nahin par aasha ka ek chinh bhi hai—ek vishaal chinh ki manushye raakh se bhi ek naya jiwan bana sakta hai.

Jaise jaise maine Dresden ke itihaas par dhyaan diya aur ashcharye kiya kitni vichitra dhang aur ekta mein unhonne ek nasht kiye cheez ko phir khada kiya, maine Pavitra Aatma ke mithe prabhaao ko mehsoos kiya. Sach mein, maine socha, agar manushye ek tute shahar ke khandar, kuda, aur bache kuche cheezein lekar aur use bana sakta hai ek bemisaal imaarat mein jo swarg ki or jaaye, kitna aur kaabil hai hamara Sarvashaktimaan Pita ki woh Apne gire huwe, sangharsh karte huwe, ya khoye huwe bachchon ko khada kar sake?

Koi fark nahin padta kitna nuksaan hua hamare jiwan mein.Fark padta hai ki hamare paap kitne sangeen the, kitne gehri thi hamari kadwaahat, kitne akele, tyaage huwe, ya tute the hamare hriday. Woh log jo bina aasha ke hai, jo maayusi mein ji rahe ho, jinhonne bharosa toda hai, apne imaandaari ko khoya hai, ya Parmeshwar se muh moda hai phir se sudhaare jaa sakte hai. Un niraale nark waas beton ko bachao, koi jiwan itna bikhra huwa nahin jo judega nahin.

Susamachaar ka anandmay samachaar yeh hai: Anant khushiyaali ki yojna ke kaaran jo hamare pyaare Swarg ke Pita ne diya hai aur Ishu jo Maseeh hai ke aseem balidaan ke zariye, hum sirf apne giri hui stithi se mukti aur pavitrata nahin paaenge, par maanav ke kalpana ko paar karke aur anant jiwan ke hakdaar banenge aur Parmeshwar ki mahima paaenge.

Khoye Huwe Bhed ki Nitikatha

Uddhaarkarta ke prachaar ke samay, Uske samay ke dhaarmik netaaon ko achcha nahi laga Ishu ka “paapiyo” ke saath samay bitana.

Shaayad unke liye aysa laga ki Woh paapi chaal ko bardaash kar raha ya uska saath deta tha. Shaayad woh vishwaas karte the ki paapiyo ko pashchataap karne ke liye madad karne ka tarika tha unko dosh dena, hasi udana, aur sharminda karna.

Jab Uddhaarkarta ne jaana Pharisees aur scribes kya soch rahe the, Usne ek kahani batai:

“Tum mein se kaun hai jiski sao bhede ho, aur unmein se ek kho jaaye, to ninyaanabe ko jangal mein chod kar, us khoyi hui ko jab tak mil na jaaye khojta na rahe?

“Aur jab woh use mil jaaye, woh use apne kaandhe par rakhta, aur khushi manata.”2

Sadiyo se, is nitikatha ko khoye huwon ko dhoondhne aur bachaane ka aagya dene ke liye istemaal kiya gaya hai.Jabki yeh theek aur achcha hai, mai sochta hoon agar ismein aur kuch baat bhi hai.

Kya yeh mumkin hai ki Ishu ka lakshye, pehla aur awwal tha, Achche Charwaahe ke kaam sikhlaana?

Kya yeh mumkin hai ki woh Parmeshwar ke behke huwe bachchon ke liye Unke prem ki gawahi de raha tha?

Kya yeh mumkin hai ki Uddhaarkarta ka sandesh tha ki Parmeshwar achchi tarah jaanta hai kaun kho gaya hai—aur Woh unhe dhoondhega, ki Woh unke or jaaega, aur Woh unhe bachaaega?

Agar aysa hai to, bhed ko is divye sahayta paane ke liye kya karna chahiye?

Kya bhed ko ek uljhe huwe sextant istemaal karne ki zaroorat hai uske thikaane ko jaanne ke liye? Kya unhe GPS istemaal karna padega uska sahi thikaana janne ke liye? Kya use ek app banana janna hoga madad maange ke liye? Kya bhed ko kisi sponser ke swikriti ki zaroorat hai ki Achcha Charwaaha aakar use bachaae?

Nahin. Bilkul Nahin! Bhed divye bachaao ka hakdaar hai kyunki Achcha Charwaaha usse pyaar karta hai.

Mere liye, khoye huwe bhed ka nitikatha pure dharamshaastra ka ek sabse aashapurn shaastra hai.

Hamare Uddhaarkarta, woh Achche Charwaaha, hamein jaanta aur humse prem karta hai. Woh tumhe jaanta aur tumse prem karta hai.

Woh jaanta hai kab tum kho gaye ho, aur Woh jaanta hai tum kaha ho.Woh tumhare gam jaanta hai. Tumhare shaant niwedan. Tumhare darr. Tumhara rona.

Yeh zaroori nahin ki tum kaise kho gaye the—chaahe tumhare apne naadaan chunawo se ya un paristhitiyon ke kaaran jo tumhare bas mein nahin tha.

Yeh zaroori hai ki tum Unke bachche ho. Aur Woh tumse prem karta hai. Woh Apne bachchon se prem karta hai.

Kyunki Woh aapse prem karta hai, Woh tumhe dhoondh lega. Woh tumhe apne kaandhe par bithaega, khushi manata hua. Aur jab Woh tumhe ghar laaega, Woh har koi se kahega, “Mere saath anand karo; kyunki meri khoi hui bhed mil gayi hai.”3

Hamein Kya Karna Chahiye?

Magar, aap soch rahe hoge, ismein mujhe kya karna hai? Vaastav mein mujhe sirf bachne ka intazaar karne se zyaada karna hai.

Jabki hamara pyaara Pita chahata hai ki Unke sabhi bachche Uske paas laute, Woh kisi ko swarg zabardasti nahi lejaaega.4 Parmeshwar hamein hamare ichcha ke khilaaf hokar nahi bachaega.

Isliye hamein kya karna hai?

Uska nimantran saadharan hai:

“Phirkar mere … aao.”5

“Mere Paas Aao”6

“Tum mere kareeb aao aur mai tumhare kareeb aaunga.”7

Is tarah se hum Unhe dikha sakte hai ki hamein bachaao ki zaroorat hai.

Iske liye thoda sa vishwaas zaroori hai.Magar himmat mat haarna. Agar tum mein abhi vishwaas nahin hai, aasha se shuruaat karo.

Agar tum nahin keh sakte Parmeshwar wahan hai, tum aasha kar sakte ho Woh wahan hai. Tum vishwaas karne ki ichcha kar sakte ho.8 Shuruaat ke liye itna kaafi hai.

Tab, usi aasha par amal karte huwe, Swarg ke Pita ki or badho. Parmeshwar Apna prem tumhari or badhaaega, aur Unka bachaao ka kaarye aur badalne ki shakti ka shuruaat hoga.

Samay beetne par, tum Unka madad apne jiwan mein dekhoge. Tum Unke prem ko mehsoos karoge. Aur Unke jyoti mein chalne aur Unke tarika ko apnane ki ichcha vishwaas ke har ek kadam se badhegi.

Hum in vishwaas ke kadmo ko “aagyakaarita” kehte hai.

Yeh shabd aajkal bahut logpriye nahin hai. Magar aagyakaarita Ishu Maseeh ke susamachaar ka pasandida vishay hai kyunki hum jaante hai ki “Maseeh ke praeshchit dwara, saari maanavjaati, niyamo ke prati aagyakaarita aur susamachaar ki dharamvidhiyon ke dwara bachaai jaa sakti hai.”9

Jab humara vishwaas badhega, hamein imaandaari bhi badhaani hogi.Kuch der pehle maine ek Germany ke lekhak ko dohraaya tha jisne Dresden ki tabahi likha tha. Usne yeh bhi likha tha “Es gibt nichts Gutes, ausser: Man tut es.” Jo log is celestial bhaasha ko nahin bolte, iska anuwaad hai “Waha kuch achcha nahin jab tak tum na karo.”10

Tum aur mai arthpurn dhang se dhaarmik cheezon ki baate karenge. Hum logon ko prabhaawit karenge dhaarmik vishayon par apne kaabil anuwaad dekar. Hum shaayad joshile dhang se dharm ki charcha karenge aur “upar [hamare] ghar ki sapne dekhenge.”11 Magar hamara vishwaas agar hamare rehne ka dhang nahin badal sakta—agar hamare vishwaas se hamare daenik nirnay nahin milte—hamara dharam vyarth hai, aur hamara vishwaas, agar mara nahin, to zaroor achcha nahin aur gum hone ka khatra hai.12

Aagyajaarita vishwaas ko zinda rakhta hai. Aagyakaarita ke zariye hamare hriday mein raushni aati hai.

Magar kabhi kabhi mai sochta hoon hum aagyakaarita ko galat samajhte hai. Hum shaayad aagyakaarita ko khud ek ant jaisa dekhte honge, na ki ant tak pahunchne ka zariya jaisa. Ya phir hum aagyakaarita ke hathode ko aagyaon ke nihaai par maarte rahenge taaki hamare priyejanon ko aakaar dein sake, garm karke aur peet peet kar, pavitra, swarg ke kaabil bana kar.

Koi sandeh nahin, ki hamein kabhi kabhi sakhti se pashchataap karne ko kehna padega. Nishchay hi, kuch log hai jinhe sirf isi tarah se batlaya jaa sakta hai.

Par shaayad koi aur muhaaora hoga jo batla sake hum kyun Parmeshwar ke aagya ka paalan karte hai. Shaayad aagyaakrita ke liye hamare hriday ko utna modna, madodna, aur peetna nahi padta kuch aur banane ke liye. Balki, is kriya mein hum seekhte hai ki hum sach mein kis cheez ke bane hai.

Hamein Sarvashaktimaan Parmeshwar ne banaya hai. Woh hamare Swarg ke Pita hai. Hum Unke aatmik bachche kehlaate hai. Hum badhiya padaarth ke bane hai jo bahut anmol aur achchi tarah se pavitra kiya gaya hai, aur isliye hamare andar divyata hai.

Par, yahan dharti par, hamare khayaal aur kriyaaen itne dushit, apavitra, aur maele ho jaate hai.Duniya ke dhul aur mael hamare hridayon mein daag kar dete hai, yeh kathin kar deta hai hamare liye apna janmsidh adhikaar aur lakshye yaad karne mein.

Magar yeh sab hamare sachche pehchaan ko nahin badal sakta.Hamare prakriti ka mul divyata barkaraar rehta hai. Aur jis chan mein hum apne hriday ko hamare priye Uddhaarkarta ki or karne ko chunte hai aur chelapan ke maarg par paer rakhte hi, kuch chamatkaari hota hai.Parmeshwar ka prem hamare hridayon ko bharta hai, hamare mann mein sachchaai ki raushni aati hai, hum paap ki ichcha chod dete hai, aur hum kabhi andhera mein nahin jaana chahate hai.13

Hum aagyaakarita ko ek dand ki tarah nahin par ek aazaadi ka maarg samajhte hamare divye taqdeer ki or ka. Aur aahista aahista, woh dushtta, dhul, aur rukaawatein is dharti ki dur jaane lagti hai. Tab, us swargiye jeev ka anmol, anant aatma hamare andar ka dikhta hai, aur ek achchaai ka ujyaala hamara prakriti ban jaata hai.

Tum Bachaao ke Laayak ho

Mere priye bhaaiyo aur bahano, mere priye doston, mai gawahi deta hoon ki Parmeshwar hamein usi tarah dekhte hai jaise hum hai—aur Woh hamein bachaao ke laayak sochta hai.

Tum shaayad sochoge ki tumhara jiwan barbaad ho gaya hai. Tumne shaayad paap kiye ho. Tum shaayad dare huwe, gusse mein, ya shak ka shikaar ho. Jaise Achcha Charwaaha Apne khoye huwe bhed ko dhoondhta hai, agar tum sirf apna hriday duniya ke Uddhaarkarta ko do, Woh tumhe dhoondh lega.

Woh tumhe bachaaega.

Woh tumhe uthaaega aur Apne kaandho par rakhega.

Woh tumhe ghar utha kar le jaaega.

Agar manushye ke haath se kuda aur khandar ko puja ka sundar ghar banaya jaa sakta hai, tab hum saahas aur bharosa kar sakte hai ki hamare Swarg ke Pita hamein phir se bana sakta hai aur avashye karega.Uska yojna hai hamein pehle se aur mahaan banana—hamari apni kalpana se bhi mahaan. Chelapan ke maarg par har ek vishwaas ke kadam se, hum anant mahima aur unginit anand ke jiu mein badhte hai jiske liye hamein racha gaya tha.

Yeh hai mera gawahi, mera ashirvaad, aur mera vinamra prarthna hamare Swami ke pavitra naam se, Ishu Maseeh ke naam se, amen.