Oltirakl a ikel Klaumerang er Tir

A President Thomas S. Monson ouchais e ra cheldechedechal a telungalk el mileboteb e mocha melekle a tekingel a President George Albert Smith: “Ng sebechemiu elmo kie el meral loltirakl ersel klaumerang e ra rucheliu? … Bol blak a rengmiu me bom ngai a ngkedel a ikel rokui el blo lolenget a klengar er [tir] el kiriu.” A le ngarngii a re beldekem el mileboteb malechub e ke kot-el telcherool el chad e ra Ikelesia, e kau kosiik ra okesiul a klaumerang elmo mekrolau e smisichau? Tiakid a ungil el rael sel bo momuchel:

1. Mketmeklii a babier ra rechad el kau a mengull er tir. Te sebecherir el chad e ra telungalk er kau (irechar malechub eng chelechang), sechelim, meredel e ra Ikelesia, malechub e te rechad el ngara edaol lechukl.

2. Mluches a ikel klungiolir el kau a soam. A delam ng meral klou a rengul? Altang sechelim a bekururau el mora rechad. Ke locha soam sel klisichel a rengul a Kapten Moroni.

3. Mngiltii a imol klungiaol ersel babilngem e dil kau e loker, “ Mekerang Ak nguu tial klungiaol? Ngera sel kirek el meruul er ngii el mekdebechii tiang ra elsel a klengar er ngak?”

4. Mluches a ikel bo moltirakl el lomekdubech er tial klungiaol e mle ea ra basio el momes er ngii ra bek el taem, el lomeklatk er kau e ra moktek. Molengit a ngeseu e ra Demad ra Babeluades e blechoel e lomes er a omrolem. Sel ta el bo molchesuar el kmo ke merael mo ungil er tial klungiaol, e ke kuk ngiltii a beches el klungiaol el bo mouedikel el kirel.

Bo modengei el kmo sel do mekdubech a ungil klungiaol ra elsel a klengar er kid, eng diak kedi donguul a ikel klaumerang e ra re beldeked el tilnget a klengar er tir, kedi dirrek el ua bo dolkebai a ungil el mortirkel kmeed er kid.