Mehlelieng Arail Pwoson

Presiden Monson koasoaiahda duen peneinei ehu me wia paionihr oh e ahpw koasoia dahme Presiden George Albert Smith koasoia: “Ke kak momourki mehlel en pwoson en kadaudokomw kan? … nantihong pwe ken kak warohng tohnmeteikan koaros me irail wiahiong uhk.” Mehndahte mie ahmw keinek me wia paionihr de irail me tepin wia tohn Mwomwohdiso wet, ke kak kilang karasaras en pwoson me wia mehn kaweid oh kakehlail wet? Iet ehu ahl mwahu me ke kak tepkihda:

1. Ntingihedi eden aramas akan me ke kin wauniki. Irail kak wia tohn ahmw peneinei (melahr de momour), kempoakepahmw, kaun en Mwomwohdiso, de aramas akan nan pwuhk sarawi.

2. Ntingihedi arail wiwia kan me ke kin pwungki. Ahmw nohnohu kin udahn kanengamah? Mwein kempoakepahmwo kin kadekohng mehtei kan. Ke kakete pwungki ahn Captain Moroni wiewia kan.

3. Pilada ehu wiewia kan nan noumw listo oh idek rehmw, “Ia mwomwen ahi kak kapwaiada met. Dahme I anahne wia pwe ien kak kalaudehla met nan ahi mour?”

4. Ntingihdi ahmw plahn kan me pahn kak kalaudehla soang pwukat oh pwilikihdi ekis wasa me ke pahn kin kilkilang, pwe en kin kataman kin uhk soahng kan me ke wie doadoahklahng. Kapakap oh peki Sawpellimen Sahm Nanleng sawas oh tehk ahmw kekeirda rahn koaros. Ansou me ke pahn kin kehn soahng pwukat pahn kin wie kekeirda, ke kak pil pilada ehu soahng pwe ken pil kak doadoahklahng.

Tamataman me ni atail pahn kakairada soahng mwahu pwukat nan atail mour, kitail sohte waunikihte pwoson en kadaudokatail kan te oh tohnmetei kan me irail wiaieng kitail, ahpw kitail pil kak wia mehn kasansal mwahu ong irail kan me mihmi limwahtail.