I Go Huk
Hem we i raet, i stap long Jojia, YSA.
!Heden i no save wet; hem i wantem go huk! Sapos Dan nomo i save kam tu. …
1. Mi gat wan famli long wol ia. Oli gud tumas long mi (Children’s Songbook, 188).
“Karem ol tul blong huk. !Taem blong go huk nao!” Papa i talem.
Heden i toktok smol mo lukluk i go raon. Evri samting i saen gud mo bisi. !Oli gat ful lek ia blong olgetawan nomo!
Hem i folem papa blong hem, nao Heden i wokbaot biaen long trak, i leftemap bigfala bokis blong tul blong huk i go biaen long trak. Bokis i hevi, be hem i no bin wantem save. Bae hem i save karem samting i hevi moa sapos hem i blong go huk wetem Papa.
Ol tul blong huk oli mekem noes taem Papa i stap pulumaot olgeta. Hem i talem: “Mi luk olsem se Dan i slip yet. “?Bae yu go wekemap hem?”
Heden i pulum win. “Yes, i stret.”
Hem i fogetem gud se smol brata blong hem, Dan, bae i mas kam tu. Oltaem nomo bae Dan i ronron olbaot mo i stap toktok bigwan. !Bae i ronemaot evri fis i go ia!
Hem i lukluk long windo we i open. “Dan, taem blong wekap nao.”
Be Dan i slip we i slip.
Heden i stop smol. Samtaem laki, bae Dan i slip long ful taem trip blong olgeta.
Kwaet nomo, Heden i pulum tul bokis i go long ples blong huk long Papa long soa.
“Hemia nao evri bet, wom mo evri samting!”
Papa i tekemaot bokis long hem. “Gud. Tangkyu.” Nao Papa i lukluk i go antap. “?Brata blong yu i stap wea?”
Heden i lukluk i go long trak. Nao, kwiktaem hem i askem hemwan se bae hem i filim olsem wanem sapos hem i wekap hemwan long wan niu ples. Bae i no gud nomo. Heden i tingting. Maet bae hem i stap fraet. Mo Dan i gat faef yia nomo.
“Papa, wet smol taem. Bae mi kambak kwiktaem.” Be taem hem i lukluk i go insaed long trak, !Dan i lus finis!
Heden i nomo harem noes blong ol bebet blong bus nao. Evri samting i kwaet wantaem.
“!Dan i no stap!” Heden i singaot.
Papa i hariap i kam, mo i luklukgud insaed long trak.
Papa i talem: “Ating i stap lukaotem yumitu. “I no longtaem nating. Bae hem i no stap longwe.”
Heden i traem blong stap kwaet, be kat blong hem i tantanem. “?Bae mi save prea?”
“Mi ting se hemia wan gud tingting.”
Heden i talem tangkyu long Papa long Heven from smol brata blong hem mo i askem blong tufala i save faenem Dan naoia, blong mekem se bae hem i no save fraet.
Taem Heden i finis, hat blong hem i harem gud.
Papa i putum han blong hem long solda blong Heden. “?Sapos yu yu Dan, Bae yu go wea?”
Heden i luk se doa long narasaed blong trak i open i stap. Maet Dan i no luk tufala long saed blong lek. Hedem i poen i go long wan smol rod long bus. Hem i talem: “Maet bae mi go olsem.”
Nao tufala wokbaot hariap folem smol rod ia.
Evri seken i pas, i olsem se i slo mo i hevi. Taem hem i stap wokbaot i go, Heden i stap prea long hat blong hem. Afta smol taem, oli kam long ples we rod i tanem, mo nao hem i luk Dan long fored.
“!Dan!” Heden i singaot.
Dan i tanem raon wantaem mo smael. “?Be yutufala i go wea?”
Taem i flae bakegen. Heden i resis i go long Dan mo i haggem hem strong.
“Mi glad tumas we mi faenem yu,” Heden i talem. Kwiktaem, Hem i talem wan prea blong tangkyu long hat blong hem.
Dan i smael nomo. “?Be wehem ol fis?”
Hedem i se: “Yu kam bambae mi soem long yu.” Leg blong hem i sikras blong ron i go kasem lek. “Bae yumi luk huia i kasem fas fis. Bae mi putum kaekae long huk blong yu.”