Gihatagan og gibug-aton nga mga pagtulun-an gikan sa Ika-186 nga Semiannual nga Kinatibuk-ang Komperensya

Si Presidente Thomas S. Monson mipakigbahin og duha ka direktang mensahe atol sa kinatibuk-ang komperensya. Sa Dominggo sa buntag, siya mipamatuod sa talagsaong plano sa kalipay alang sa tanang katawhan. Gitudlo niya ang mahitungod sa mahinungdanong bahin ni Jesukristo sa plano sa kaluwasan ingon man sa atong tahas aron maangkon ang kalipay nga mao ang tuyo sa Dios. (Tan-awa sa pahina 80.) Atol sa kinatibuk-ang sesyon sa priesthood, si Presidente Monson mipasabut og maayo sa mga panalangin nga maggikan sa pagsunod sa mga sugo sa Ginoo ug sa matinud-anong pagsunod sa Pulong sa Kaalam (tan-awa sa pahina 78).

Gatusan ka libo ka mga kababayen-an, batan-ong mga babaye, ug gani apil ang mga batang babaye nga otso anyos nagkatigom sa Conference Center ug sa tibuok kalibutan sa pag-abli sa unom ka mga sesyon sa kinatibuk-ang komperensya sa kinatibuk-ang sesyon sa mga babaye.

Atol sa sesyon sa Sabado sa hapon, upat ka General Authority Seventy ang gihatagan og emeritus status, usa ka Area Seventy ang gi-release, ug duha ka Area Seventy ang gitawag (tan-awa sa pahina 39). Sa Dominggo, si Elder Dale G. Renlund sa Korum sa napulog duha Ka mga apostoles mipasidungog ni Elder Per G. Malm, sakop sa Seventy kinsa namatay niadtong Hulyo 26, 2016 (tan-awa sa pahina 121).

Ang kinatibuk-ang mga komperensya sa Simbahan mahitabo matag unom ka bulan, nga manukad gikan sa Conference center sa Siyudad sa Salt Lake, Utah nga mosulod og 21,000 ka tawo, ug gipaabut usab ngadto sa minilyong katawhan sa tibuok kalibutan. Ang komperensya gihubad ug mabati pinaagi sa internet sa kapin sa 80 ka mga pinulongan ug gimantala sa 34 ka mga pinulongan sa mga magasin sa Simbahan.