Mea na Faamamafa mai mai le konafesi aoao o Oketopa 2016

Na faasoa mai e Peresitene Thomas S. Monson ni savali tuusa’o mai i le taimi o le konafesi aoao. I le taeao o le Aso Sa, sa ia molimau ai i le fuafuaga sili a le Atua o le fiafia mo tagata uma. Sa ia aoao e uiga i le vaega taua a Iesu Keriso i le ata o le faaolataga e pei foi o la tatou matafaioi i le mauaina o le fiafia sa fuafuaina e le Atua. (Tagai i le itulau 80.) I le taimi o le sauniga a le au perisitua, sa faamamafa mai ai e Peresitene Monson ia faamanuiaga e oo mai i le usiusitai i poloaiga a le Alii ma le tausia faamaoni o le Upu o le Poto (tagai itulau 78).

Sa faapotopoto faatasi le faitau fia selau ma afe o tamaitai, tamaitai talavou, ma teineiti i le laitiiti e tai valu tausaga i le Maota Autu mo Konafesi ma i nofoaga i le salafa o le lalolagi e tatalaina sauniga e ono o le konafesi aoao i le sauniga aoao a tamaitai.

I le taimi o le sauniga i le afiafi o le Aso Toonai, sa tuuina atu ai i ni Au Pulega Aoao o Fitugafulu e toafa ni tulaga o le faamalolo faamamaluina, e toatasi le Fitugafulu Eria na faamalolo mai, ae toalua nisi Fitugafulu Eria na valaauina (tagai i le itulau 39). I le Aso Sa, na faamamaluina ai e Elder Dale G. Renlund o le Korama a Aposetolo e Toasefululua Elder Per G. Malm, o se tasi o Fitugafulu na maliu i le aso 26 Iulai, 2016 (tagai itulau 121).

O konafesi aoao o le Ekalesia e tai ono masina ma usuia, e tuusao atu mai le Nofoaga Autu mo Konafesi e 21,000-nofoa i le Aai o Sate Leki, Iuta, ma e oo atu i le faitau miliona o tagata i le lalolagi atoa. Sa faaliliuina le konafesi ma faasalalau atu i le initoneti i gagana e silia ma le 80 ma ua lolomiina i gagana e 34 i mekasini a le Ekalesia.