Ayọ̀ Ẹbí Ni À Nrí nínú Ìṣòdodo

Ọlọ́run ṣe àgbékalẹ̀ àwọn ẹbí láti mú ìdùnnú wá fún wa, láti rànwálọ́wọ́ láti kọ́ àwọn ẹ̀kọ́ ìpìlẹ̀ pípé ní àyíká tó ní ìfẹ́, àti láti múra wa sílẹ̀ fún ìyè ayérayé.”¹ Nínú ètò ìdùnnú nlá ti Ọlọrun” (Álmà 42:8), Ààrẹ Russell M. Nelson, Ààrẹ Iyejú àwọn Àpọ́stélì Méjìlá, sọ pé: Ètò Rẹ̀ kéde pé kí àwọn ọkùnrin àti obìnrin wà kí wọ́n lè ní ayọ̀ [2 Nífáì 2:25]. Ayọ̀ náà nwá nígbàtí a bá yàn láti gbé ìgbé ayé ní ìbámu pẹ̀lú ètò ayérayé ti Ọlọ́run.”²

Àwọn ilé tí Krístì wà ní àrin gbùngbùn rẹ̀ npèsè àwọn ànfàní tó tóbi jùlọ fún àṣeyege. Alàgbà Richard G. Scott (1928–2015) ti iyejú àwọn Àpọ́stélì Méjìlá ṣe àpèjúwe rẹ̀ bí ibì kan níbití à nkọ́ni ní ìhìnrere, tí à npa àwọn májẹ̀mú mọ́, àti tí ìfẹ́ ngbé lọ́pọ̀lọpọ̀, níbití àwọn ẹbí ti lè gbé ìgbé ayé ìgbọràn àti tí wọ́n le di gbòngbò tó múlẹ̀ nínú ìhìnrere ti Jésù Krístì.”³

Ààrẹ Henry B. Eyring, Olùdámọ̀ràn Kínní nínú Àjọ Aàrẹ Kínní, sọ pé: A lè pinnu pé a ó ṣe gbogbo ohun tí a lè ṣe láti mú àwọn agbára ọ̀run sọ̀kalẹ̀ sínú ẹbí [wa]. Ó sì ṣeéṣe jùlọ kí a ṣe àgbéga ìfẹ, iṣẹ́ ìsìn, ìgbọ́ràn, àti ìdùnnú nínú ile wa nípa [kí àwọn ọmọ wa] máa gbọ́ ọ̀rọ̀ Ọlọ́run àti nígbà náà gbígbìyànjú rẹ̀ nínú ìgbàgbọ́. Tí wọ́n bá ṣe bẹ́ẹ̀, ìwà ẹ̀dá wọn yíò yípadà ní ọ̀nà tí ó ṣe àbájáde ìdùnnú tí wọn nwákiri.’⁴