Fan fare Ulung ko bpin ko Galasia

Fan e Relief Society e ngan “fal’eg rogon e ppin ni fan e pi tawa’ath ko yafas nib manemus,” Linda e ke yoeg. K. Burton, Relief Society General President.¹ Dakean e mich, tabinaew, nge gapas e gadaed be un ngay ko “murwel rodaed nib ga’fan.”²

Relief Society “e murwel u fayleng nge tharmiy,” e ke yoeg Carole. M. Stephens, First Counselor u lane Relief Society General Presidency. “Iraram e n’en nike rrin’ e ppin u lane rran rok fare Tathapeg, ma iraram e n’en ni gadaed be ulul i rrin’.”³

Napan ni gadaed ra sap ngak fare ppin nib Samaritan ko fare luwed, nib digey e tafen e raen rok ni mil nge yoeb ngak boech e gidii’ ni Yesus e ba profet (muguy John 4:6–42), fa ngak Phebe, ni pigpig ngak e gidi’ u fithik e falfalen’ u lane yafas rok (muguy Roma 16:1–2), gadaed be guy wo’en e pi ppin ko rran rok fare Tathapeg ni baed ngak Kristus. I Ir e Cha’an nike bing kanawo’en daed ko yafas nib manemus (muguy John 3:16).

Napan ni gadaed ra sap ngak e pi ppin ni pioneer rodaed u Nauvoo, Illinois, ni ri mukun gaed nga tabinaew rok Sarah Kimball ko 1842 ni ngar fal’eged e mo’olung roraed, ma gadaed be guy e tunom rok Got nibe feek iyib fare Relief Society nge ta’areb ko fare priesthood. Tomuren Eliza R. Snow ni yoloey e motochiyel, me bi’eg Prophet Joseph Smith. Me nang ni fare Galasia e dawori m’ay nge taw ko ngiyal’ nike yaram e ppin. Ke yoeg nike falfalen’ Somoel ko ayuw ni kar pi’ed machane bay ban’en ni kab mangil boech. “Ragu yarmiy e ppin nga tan e priesthood ko tomuren e rogon e priesthood,” ke yoeg.⁴

Fare Relief Society e gathi kemus nib ulungi ppin nibe gay rogon ni nge rrin’ e mangil u lane fayleng. Ba thil. ‘Ban’en ni kab mangil’ ya kan yarmiy u tan mat’won e priesthood. Rogon nikan yarmiy e baga’ fan ko murwel Got u dakean e fayleng.”⁵