Cristina B. Franco
Fesoasoani Lua, Au Peresitene Aoao o le Peraimeri
I lona laitiiti, na aoaoina ai e Sister Cristina B. Franco faapea afai e i ai sana fesili, e mafai ona ia liliu atu i le Tama Faalelagi i le tatalo mo se tali.
“Ou te manatua le alu atu i lo’u tina ina ua 11 ou tausaga pe a ma fesili atu ia te ia se fesili faaleaoaoga faavae,” o lana tala lea. “Sa ia taliina lau fesili ae na fai mai ia te a’u, ‘E te le tau faaaogaina la’u tali e uiga i ai.’ O lea sa ou tatalo ai ma ole atu i lo’u Tama Faalelagi pe moni lea mea.”
Sa tali mai lana tatalo, ma mai i lena taimi sa ia iloa ai sa i ai se Tama Faalelagi e alofa ia te ia ma o le a tali mai i ana tatalo.
Lagolagoina i le aso 1 o Aperila, 2017, i le Au Peresitene Aoao o le Peraimeri, sa soifua mai Cristina Beatriz Fraga i le 1958 ia Hugo R. ma Maria A. Godoy Fraga i Buenos Aires, Atenitina.
Ina ua tolu tausaga lona matua, na tuitui atu ni faifeautalai i le faitotoa a ona matua. Ina ua mavae le suesueina ma le auai i le lotu mo le tusa ma le valu masina, na auai le ulugalii i le Ekalesia ma amata ona faafaileleina lo latou aiga i le talalelei. I le Peraimeri, sa ia feiloai ai ia Rodolfo C. Franco, o se tamaitiiti o le na avea mulimuli ane ma ana uo sili ona lelei.
Ina ua 18 ona tausaga, sa siitia atu le aiga o Sister Franco i Iuta, ISA. I lena taimi, ua la iloa ma Rodolfo la te fia faaipoipo, peitai sa manaomia Rudolfo e auauna atu i le militeli a Atenitina mo se taimi. Sa fetusiai le toalua lea, ma ina ua maea lana tautua faamiliteli, sa la faaipoipo i le aso 15 o Tesema, 1978, i le Malumalu o Sate Leki. O i la’ua o ni matua o se fanau tama e toatolu.
O le mulimuli ai i tulagavae o le tama o Sister Franco, o se fai uati, sa galulue ai le ulugalii i se faleoloa fai uati i le Aai o Sate Leki mo le toeitiiti atoa le tolu sefulu tausaga.
Sa auauna atu Sister Franco i le tele o valaauga i le Ekalesia. Sa auauna atu o ia i le au faatonu aoao o le Peraimeri mai le 2005 i le 2010 ma, i le taimi o lona valaauga i le Au Peresitene Aoao o le Peraimeri, o loo la auauna atu faatasi ma lana tane, lea o loo pulefaamalumalu i le Misiona a Atenitina Resistencia.