Visiting Tijing Mesej, Julae 2017
Blong Oli Save Stap Wan
Stadi long toktok ia wetem prea mo luklukgud blong kasem insperesen blong save wanem blong serem. Olsem wanem nao taem yumi kam blong save stamba tingting blong Rilif Sosaeti i mekem rere ol gel blong God from ol blesing blong laef we i no save finis?
Fet, Famli, Help
“Jisas i bin wan evriwan wetem Papa taem Hem i bin putum hem i stap anda long tingting blong Papa blong Hem, tugeta long bodi mo long spirit,” Elda D. Todd Christofferson blong Kworom blong Olgeta Twelef Aposol i tijim.
“ … I tru nomo, bambae yumi no stap wan wetem God mo Kraes kasem taem we yumi mekem tingting blong Tufala mo ol samting we Tufala i wantem i kam tingting blong hat blong yumi. Kaen fasin ia, blong stap putum yumi anda long Tufala, yumi no save kasem long wan dei nomo, be i hapen tru long Tabu Spirit; Lod bae i tijim tingting blong yumi sapos yumi wantem kasem taem we, wetem taem, yumi save talem stret se Hem i stap insaed long yumi olsem we Papa i stap insaed long Hem.”1
Linda K. Burton, Rilif Sosaeti Jeneral Presiden, i tijim olsem wanem blong wok i go from fasin ia blong kam wan: “Taem yumi mekem mo kipim ol kavenan blong yumi, i wan wei blong soem komitmen blong yumi blong kam olsem Sevya. Bes samting, hem i blong traehad blong gat fasin we oli tokbaot long samfala toktok blong wan gudfala hym: ‘Bae mi go long ples we Yu wantem mi blong go. … Bae mi talem wanem we yu wantem mi blong talem. … Bae mi kam huia Yu wantem mi blong kam.’”2
Elda Christofferson i mekem yumi tingbaot tu se, “taem yumi traehad, evri dei, mo evri wik blong folem rod blong Kraes, spirit blong yumi i luksave se Hem i hae i stap, mo ol faet oli godaon, mo ol temtesen oli nomo trabolem yumi.”3
Neill F. Marriott, Seken Kaonsela long Yang Woman Jeneral Presidensi, i testifae abaot ol blesing blong traehad blong stretem ol tingting blong yumi wetem ol tingting blong God: “Mi bin traehad blong stopem fasin ia blong wantem se ol samting oli go olsem we mi wantem, mo long en, mi kam blong luksave se, wei blong mi i no inaf mo i no gud inaf long wei blong Jisas Kraes. ‘[Wei blong Papa blong yumi long Heven] i rod ia we i lid i go long hapines long laef ia mo laef we i no save finis long wol we i stap kam.’”4 Bae yumi traehad, wetem tingting we i stap daon, blong kam wan wetem Papa long Heven mo Pikinini blong Hem, Jisas Kraes.
Sam moa skripja mo Infomesen
Jon 17:20–21; Efesas 4:13; Doctrine and Covenants 38:27; reliefsociety.lds.org
© 2017 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/17. Oli letem translesen: 6/17. Translesen blong Visiting Teaching Message, July 2017. Bislama. 97927 852