Man Mmo Ekpedi Kiet

Ndise

Relief Society seal

Elder D. Todd Christofferson eke Eboho mme Apostle Duopeba ekekpeb ete ke, “Jesus ekenyene ata eti edidiana-kiet ye Ete oto ke ndisuhore-idem Esie, ke ikpokidem ye ukpong, nno uduak eke Ete.”

“… Ke akpaniko nnyin ididihe kiet ye Abasi ye Christ ke nnyin minamke uduak yeutom Mmoedi akpan udong nnyin Owo idisimke oruk nsuhore-idem oro ke usen kiet, edi nte Edisana Spirit adade-usung, Jehovah eyekpeb nnyi n edieke nnyin inyimede tutu, ke uyoho ini, ekeme nditim nting ete ke Enye odu k’idem nnyin ukem nte Ete odude ke Enye.”¹

Linda K. Burton, Akwa Adaibuot eke Nka Iban, ekekpeb danga nte ikpenamde utom ikesim oruk edidiana-kiet emi ete: “Ndinam ye ndinim ediomo nnyin owut nsinifik nnyin ke ndikabare ntie nte Andinyanga.” Utom emi edi ndinwana nkesim ndaha edu-uwem emi otimde emen owut ke mme esisit udim-iko eke edinem ikwo kiet ete: “Ami nyeka ebiet eke” afo oyomde ete ami nka. … Ami nyeting se afo oyomde ete ami nting. … Ami nyedi se afo oyomde ete ami ndi.’”²

Elder Christofferson editi nnyin nko ete ke “nte nnyin isinde ifik k’usen k’usen ye ke-udua-ke-udua man itiene ikpatisang Christ, spirit nnyin osongo ndaha-ubong-ukara esie, enwan eke esit-idem osuhode, ndien mme idomo etre ndinwana ekong.”³

Neill F. Marriott, Udiana Onoitem ke General Presidency eke Nkaiferi Iban, okono iko ntiense abanga mme edidiong ke ndidomo ndinam man uduak nnyin asanga-ukem ye uduak Abasi ete: “Ami mmedomo man ntre udong obukidem ke ndinam man mme nkpo edi ke nte ami nyomde, ke akpatre ndifiok ete ke usung mi ikemke, enyene-utit, ndien ifonke nte usung eke Jesus Christ. ’Usung eke [Ete nnyin ke Enyong] edi usung emi adade ekesim inemesit ke uwem emi ye nsinsi uwem ke ererimbot eke edidide.’”⁴ Yak nnyin ke nsuhore-idem idomo ndikabare ndi kiet ye Ete nnyin ke Enyong ye Eyen Esie, Jesus Christ.