Deureng Loltirakl er a Jesus Kristo

Ng mla tal mekngit a sils er kau? Ke milkerang e mlo ungil a rengum? A President Uchtdorf a medengei el kmo, “kid el rokui el di chemur a ringel, ouchel reng, me a klengit el reng. Kede dirrek el ngarngii a taem e kede mo omelchesiu el mesaul a rengud e obereod er a kmo ngerang.

A nger ngii a kmo bo de kiei er sel ngi a lomekedong er ngii el kmo “ng klengar er a oltirakl”: “a molemolem el mesisiich e morael bedul uchei lurrekodel er a klaumerang.” Sel dorael bedul uchie lultuil er a klaumerang, e ng mo sebeched el mo ultuil er a Dios, oltirakl a Llechul, e mesiou er a rebebil—e melchesuar a deureng er ngii el rokui! El uaia tekingel a President Uchtdorf el kmo, “Tirkel kiei er a klengar er a roltirakl … a olchotel aikel mekekerei lomeruul loruul el klou a lerellii.”

Momdasou a lmuches a teletael el ngii a sebechem el mo kiei er a klengar er a roltirakl. Okesiu, ng sebechem el luchesii a uldasou el kirel omesiou el uaia “Ngosuterir a rechad er a blim er a belsoil” malechub e ng uldasou el kirel otireklel a llach el uaia “Meluluuch el kirel a kllou el reng el kirir a rebebil er ngak.” E sel mlut el mo checherd a rengum malechub e ko beraod er a kmo ngerang, e motebedii a babilengem, e mngiltii a tara uldasou, e bo molasm er ngii!