Visiting Tijing Mesej, Septemba 2017
Oli Wan Hat
Stadi long toktok ia wetem prea mo luklukgud blong save wanem blong serem. ?Olsem wanem we taem ol sista oli andastanem stamba tingting blong Rilif Sosaeti, oli mekem ol gel blong God oli rere blong kasem ol blesing blong laef we i no save finis?
Fet, Famli, Help
Lod i singaotem ol pipol blong Hem Saeon from oli gat wan hat mo wan maen; oli laef long ol stret mo gud laef, mo i no gat wan we i pua long medel blong olgeta (Moses 7:18 ?Olsem wanem nao yumi save stap wan?
Elda M. Russell Ballard blong Kworom blong Olgeta Twelef Aposol i bin talem se: “Long medel blong Inglis toktok ia atonement hem i toktok ia one. Sapos evri man i andastanem hemia, bae i nogat wan man we bae yumi no save kea long hem, nomata wanem yia blong hem, hem blong wea, hem i man o woman, wanem relijin, o hem i gat plante fren o no o hem i rij o pua. Bae yumi traehad blong soemaot fasin blong Sevya mo neva gat fasin we i no kaen, no kea, nogat respek, o no wantem save long ol narafala man.”1
Presiden Henry B. Eyring, Fas Kaonsela long Fas Presidensi i tijim: “Long ol ples we ol pipol oli gat Spirit i stap wetem olgeta, i no gat rao i stap wetem olgeta. … Spirit blong God i neva mekem se man i rao (luk long 3 Nifae 11:29). … Hem i lid i go long pis blong yuwan mo wan filing blong stap wan wetem ol narafala man.”2
Taem yumi tokbaot ol jalenj blong ol famli, Carole M. Stephens, we i bin stap olsem Fas Kaonsela long Rilif Sosaeti Jeneral Presidensi, i bin talem: “Mi neva laef tru long wan divos, hat i soa mo filing ia we yu no stap sef i kam from wan i lego yu, o ol wok blong wan singgel mama. Mi no gat eksperiens long ded blong wan pikinini, no save gat pikinini, o laekem woman o man bakegen. Mi no nid blong mas stap strong tru ol fasin blong abius, ol bigfala sik, o adiksen. Ol samting ia oli no ol tes blong mi.
“… Be tru long ol tes mo hadtaem blong miwan … Mi kam blong fren gud wetem Wan ia we hem i save andastan. … Mo antap long hemia, mi bin eksperiensem evri tes blong wol ia we mi jes tokbaot nomo tru long laef blong wan gel, mama, bubu woman, sista, anti mo fren.
“Janis blong yumi olsem ol gel blong God blong holemtaet kavenan i no blong lanem samting aot long ol jalenj blong yuwan nomo; hem i blong kam wan wetem lav mo sore taem yumi sapotem ol nara memba blong famli blong God long ol hadtaem blong olgeta.”3
Sam moa skripja mo Infomesen
© 2017 i kam long Intellectual Reserve, Inc. Oli holem evri raet. Oli printim long YSA. Oli letem long Inglis lanwis: 6/17 Oli letem translesen: 6/17 Translesen blong Visiting Teaching Message, September 2017. Bislama. 97929 852