Te Rongorongo ni Kakawari n Reirei, Ritembwa 2017
Tauraoi ni Katoka i aomi Rawawataia Raomi
Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. E kanga ataakin ana kantaninga te Bootaki n Aine ni katauraoiia natin te Atua aine ibukin kakabwaia n te maiu ae akea tokina?
Onimaki Utu Buoka
“Ti katobibiaki irouia naake a kainnanoa ara ibuobuoki, ara kaunganano, ara boutoka, ara karaunano, ara akoi,” e taku Beretitenti Thomas S. Monson. “Ngaira bain te Uea ni buoka ana mwakuri iaon te aba, ma te tua ni beku ao ni buokiia Natina. E katan iaora n tatabemaniira nako.”1
Beretitenti Henry B. Eyring, Te Moan Kauntira n te Moan Beretitentii, e taku: “Te bitaki ae korakora e moanaki inanom ngke ko roko nakon te Ekaretia. Ko karaoa te berita, ao ko karekea te berita are e moanna ni bita aron kateim. …
“… Ko berita bwa ko na buoka te Uea ni kabebetei rawawataia [tabeman’] bwa a na mwengaraoi. Ko anganaki te mwaaka ni buokia ni kabebetei rawawata aikanne ngke ko karekea te Tamnei ae Raoiroi.”2
“Ti tangiria ni kabongana otan te euangkerio n taraia tabeman n aron te Tia Kamaiu—ma te nanoanga, onimaki, ao te tangira ae Itiaki,” e taku Jean B. Bingham, te Beretitenti ni Kabuta n te Bootaki n Aine. “E na roko te bong are ti na karekea bwaninin ataakin nanoia tabeman ao ti na kakaitau ni karekean te nanoanga are e a tia n anganiira—n ai aron are ti anga ara iango ao ara taeka n tangira nakoia tabeman. …
“Katabeara ao tibwangara bon kamoamoakin bwaai aika nakoraoi irouia aomata nako ngkai ti kataia n riki n ai aron ara Tia Kamaiu.”3
Ngkana ti katoka iaora rawawataia raora ao ni kawakin ara berita, ti kauka te kawai ibukin Iesu Kristo bwa e na kamaiuia tabeman. Unimwaane Jeffrey R. Holland man te Kooram n Abotoro n te Tengaun ma Uoman e iango: “Iangoan te kabanea ni kaangaanga kakoauakina n te Tauraki ao n te Mwakuri ni Kamaiu, I berita nakoimi E na aki mwaninga taekara ngkai. Ngke E taetae nakoia akana nanorinano, ‘Bane mai nako Iu,’ E nanonna ae E ataa te kawai n otinako ao E ataa te kawai ni waerake. E ataia bukina bwa E a tia n nakonako iai. E ataa te kawai bukina bwa Ngaia te kawai.”4
Rakan riki Booki aika Tabu
© 2017 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki n te USA. Kariaiakaki n te Ingiriti: 6/17. Kariaiakaki rairana: 6/17. Rairan te Visiting Teaching Message, December 2017. Kiribati. 97932 859