President a Odzi Kan Amandzɛɛbɔ, Sanda 2018
Nnuhu Akyɛdze No
President Thomas S. Monson kãe
President Monson akyerɛkyerɛ dɛ “Hɛn asodzi nye dɛ yepegya fi mbrɛwyɛ mu kɔ abɔso mu, fi nkogu mu kɔ konyimdzi mu. Hɛn edwuma nye dɛ hɛnara yebedzi mu ara yie.’’ Nyankopɔn n’akyɛdze akɛse mu kor ma hɛn nye yɛrobɔ mbɔdzen bio ne dɛwdzi, osiandɛ onnhia dɛ nkogu bɛyɛ ewiei da.’’1
Yɛtaa dze dza yɛbɛyɛ no botae ka afe fofor ho dze hyia no kwan. Yɛbɔpɔw dɛ yebotu mpon, yɛbɛsesa, dɛ yɛbɔbɔ mbɔdzen bio. Ibia kwan a ohia dodow a yebotum abɔ mbɔdzen bio nye yɛbɛgye dza President Monson frɛ no “nnuhu akyɛdze’’ no ato mu.”2
Nsɛm a ofi ne nkyerɛkyerɛ a odzi do no ofi ber a ɔbɛyɛɛ Asɔr ne President no, President Monson tu hɛn fo dɛ “na ma Christ no werdam bɔgyaa no nyɛ edwuma mma yenya bɔnfakyɛ ama hɛn akoma mu aatsew.’’3
Bɔnfakyɛ N’anwanwayɛ
‘’Hɛn nyina ayɛ nsanmuyi horow a ɔnntsen. Sɛ yɛnntsentsen nsanmuyi horow a ɔtsetse dɛm dada a, mema hom awerɛhyɛmu dɛ kwan bi wɔ hɔ a yɛbɛyɛ dɛm. Nnuhu nye kwan no. Mototɔ serɛ hom dɛ hom ntsentsen hom mfomdo. Hɛn Agyenkwa wuii dze dɛm nhyira akyɛdze no maa emi na ɔwo. Ɔwɔ mu dɛ kwan no nnyɛ mberɛw dze, anohoba no yɛ nokwar: ’kaansa hom bɔn tse dɛ adaaben mpo a, ɔbɔhoa dɛ esukwankyɛba’ [Isaiah 1:18]. ‘Na Emi, Ewuradze,merennkaa no bio’ [N&A58:42]. Ma mmfa wo onnyiewiei nkwa nnkɔ mbusu mu. Sɛ ayɛ bɔn a, ntsɛmpanara a ibɛhyɛ ase atsen wo kwan no, ntsɛmpanara na ibohu asomdwee na dɛwdzi dɛɛdɛw no a ɔnye bɔnfakyɛ n’awanwayɛ ba no.’’4San Ekyir kɔ Anamɔnkwan no do
Ohia tsitsir dɛ yɛsanmu yi nyansa mu dze, naaso mber binom wɔ hɔ a yɛyɛ nsanmuyi horow a omuo. Nnuho akyɛdze a Agyenkwa no dze ama no, ma hɛn kwan ma yɛsesã kwan a yɛnam do no, ama yeetum asan aba anamɔn kwan no a obegya hɛn akɔ celestial enyimnyam no a yerohwehwɛ no.’’5
Nsan Ekyir Kwan No
“Sɛ hom mu bi afom wɔ n’akwantu mu a, mema hom awerɛhyɛmu dɛ nsan ekyir kwan bi wɔ hɔ. Wɔfrɛ kwan no nnuhu. Ɔwɔ mu dɛ kwan no yɛ dzen dze, naaso w’onnyiwiei nkwagye gyina do. Ebɛnadze na obotum afata wo mbɔdzembɔ? Mototɔserɛ wo dɛ bɔ w’adwen pɔw wɔ ha ara na afei tu anamɔn a ohia dɛ ibonu woho emu mu. Ntsɛmpanara a ebɛyɛ no, ntsɛmpanara na ibotum enya asomdwee na kommyɛ na awerɛhyɛmu no a Isaiah kãa ho asɛm no [hwɛ Isaiah 1:18}.”6
Nyimpa Botum Asesã
“Yehia dɛ yɛdze to hɛn adwen dɛ nyimpa botum asesã. Wobotum efi hɔn suban bɔn ho. Wobotum enu hɔnho efi mfomdo horow ho. Wobotum ekitsa asɔfodzi no emudzi muara. Na wobotum dze enyimpi asom Ewuradze.”7
Ma Woho Ntsew Bio
Sɛ biribi tɔ sin wɔ w’abrabɔ mu a, kwan bi wɔ hɔ a ibotum dze edzi do. Gyaa dza ɔnntsen biara yɛ. Nye wo bishop ndzi nkɔmbɔ. Ma asɛnhia no tse biara no, wɔnam nnuhu a odzi mu do botum esiesie. Woho botum atsew bio prɛko pɛr.’’8
Agyenkwa No N’edwuma Tsitsir
“Nyia ohia tsitsir ma [nkwagye] nhyehyɛɛ no yɛ hɛn Agyenkwa Jesus Christ. Ɔnnyɛ No werdam afɔrbɔ no a, nkyɛ obiara ayew. Naaso, onnwie payɛ ara dɛ yɛbɛgye No nye No dwuma no edzi. Ohia dɛ yɛyɛ edwuma na yesũa, yɛhwehwɛ na yɛbɔ mpaa, yenu hɛn ho na yetu mpon. Ohia dɛ yebohu Nyankopɔn Ne mbra na yɛdze abɔ bra. Ohia dɛ yɛgye No nkwagye ayɛdze horow no. Dɛm saso ne nyɛe no nko na yebotum enya onnyiewiei nokwar, egyigye no.’’9
© 2018 by Intellectual Reserve, Inc. Wɔakora do tumdzi nyina. English approval: 6/17. Translation approval: 6/17. First Presidency Message, January 2018. ne Nkyerɛasee Fante. 15045 502