Hu Ɔno na N’ebusua

Gyedzi, Ebusua, Mboa

Rita Jeppeson na ne visiting teacher abɛyɛ anyɛnkofo pa ber a wɔserɛ na wɔkyɛ asɛmpa fapem no. Naaso wɔrobɔ mu ridzi kasafua agordzi so kã hɔn serɛ no ho. Ɔyɛ adze kor a Rita pɛ wɔ ne visiting teacher ho osiandɛ onyim dɛ wɔyɛ anyɛnkofo na nserɛ no nnyɛ adze a wɔyɛ ara na “wɔkyerɛw.” Ndzɛmba pii wɔ hɔ a nkyerɛbaa botum ayɛ ber a wɔakɛserɛ no, tse dɛ, worotu mpasar anaa worututu mfuw kakra efi ture no mu na mbofra no dzi agor no.

Elder Jeffrey R. Holland a ɔkã Duebien no hɔn Quorum ho no kãa dɛ, ‘’Hom nhu homho dɛ Ewuradze n’asomafo ma Ne mba. … Yebenya enyidado … dɛ hom bɛkyekyer nokwar mber, wɔadwen asɔrmba no ho wɔ asɛmpa-kwan do, a wɔbɔhwɛ na wɔaweɔn hɔn ho nkorkor, dze ahwɛ sunsum mu na honam mu ehiadze wɔ kwan biara a ɔboa mu.’’¹

Ewuradze duaa Moses do hyɛɛ Israelmba dɛ “Ɔhɔho a ɔbɔsoɛ hom no wɔmma ɔnyɛ dɛ hom mu kromnyi bi, na dɔ [no] dɛ woho’’(Leviticus 19:34). Nkyerɛbaa a yɛsersɛ hɔn no botum ayɛ “ahɔho’’ ber a yɛhyɛ hɛn som no ase, naaso ber a yehu ɔno na n’ebusua no, hɛn pɛ benyin dɛ “[yɛ]soasoa kor biara n’adzesoadze ama ɔayɛ har’’ na yeenya “akoma wɔabɔmu kor wɔ koryɛ mu na [yɛa]dodɔ [hɛn]ho nkorkor’’ (Mosiah 18:8, 21).

Reyna I. Aburto, Ɔpamfo a Otsĩa Ebien wɔ Relief Society General Presidency mu, kaa mber a nna ogyaa awar nnkyɛree na ɔyɛ Asɔrba fofor no. Ɔkãa dɛ, “Me visiting teacherfo baa me fie, na wɔdze onuayɛ ahomka nkã-tse na ɔdɔ baa m’akoma mu.’’²