Kakien ko Rekāāl, Kilen, im Kein Jipan̄ ko

Pija

Jodikdik ro

Ennaan eo kōn tampeļ ko. Būreejtōnji eo Kein Kajuon eaar kwaļo̧k ennaan eo ilo Jāno̧de 2, 2019, kwaļo̧k jidikin: “Ium̧win bukwi iiō lōn̄lōn̄ kein, tipidikin meļeļe ko kar koba ippān jerbal in tampeļ raar ukukōti jet iien, ekoba kajin, jekjek in ekkal ko, letok letak meļeļe, im kōjparok ļo̧o̧k. Rikanaan ro raar katakin bwe ejjamin naaj lōn̄ kain jem̧ļo̧k in okoktak ko āinwōt an tōl jān Irooj n̄an ro Rikarejeran.”

Em̧m̧akūt lōn̄ļo̧k eo an Ajri ro im Jodikdik ro. Ajri ro kiiō rej kadedeļo̧k Būraimere im jodikdik rej em̧m̧akūtļo̧k jān juon kūlaaj ak doulul n̄an kumi in-iiō ko tok juon ilo Jānwōde eo ijello̧kin ilo raan in ļotak ko aer kajjojo. Menin ej bar meļeļein bwe jodikdik ro remaron̄ bōk peba im mālim an tampeļ eo ewōr jon̄an-kōjerbale jinoin tata ilo Jānwōde in iiō eo renaaj tōpar 12 iiō dettaer, im likao ro remaron̄ ekkapit n̄an Priesthood eo an Aron ilo Jānwōde in iiō eo renaaj tōprar 12 iiō dettaer.

Elon̄ļo̧k iien ko rem̧m̧an n̄an jerbal in jipan̄. LDS Charities eo ekar kōjjeļļā kōn partnership eo an ippān JustServe.org n̄an bwillo̧ke #YouCanDoSomething ijjino eo, krauwaineneik armej n̄an jerbal ijo jokwe ie im leļo̧k jipan̄ n̄an jerbal ko rem̧m̧an ilo aolepān laļ in n̄an jipan̄ ukōt laļ in. N̄an jinoe, etal n̄an “How to Help” page eo ilo LDSCharities.org.

Kein jipan̄ ko rekāāl an jerbal in karejar. Website eo This is Ministering (ministering.ChurchofJesusChrist.org) em̧ōj bar kōm̧m̧an kakobaba ko rekāāl kōn elōn̄ļo̧k meļeļe ko im pija in alooj ko. Kein jipan̄ ko ilo site eo remaron̄ jipan̄ ro rej riit erļo̧ke peier ilo iakwe, kalōk jem̧jerā ko rem̧ool, im kōkōm̧anm̧anļo̧k kapeel in ron̄jake ko aer, im elōn̄. Men ko kobban rekāāl ekoba bwebwenato ko me kar je ilo Ensign im Liaona māākjiin ko, reiookļo̧k ekōnono ko ilo kweilo̧k eo elap kōn jerbal in karejar, im pija ko maron̄ lito litak, kout ko, im eoon ko.

Kōjatdikdik im kōmour n̄an armej ro nana kōm̧m̧an n̄an er (abuse). Juon an Kabun̄ website kāāl, abuse.ChurchofJesusChrist.org, ej leļo̧k kein jipan̄ ko im kein jerbal ko rejipan̄ n̄an armej ro nana kōm̧m̧an n̄an er (abuse) im n̄an ro me rekōņaan jipan̄ bōbrae kakkure. Būreejtōnji eo Kein kajuon eaar je juon leta ilo M̧aaj 26, 2019, kōketak ritōl ko an Kabun̄ in n̄an pukōtļo̧k ilo iakwe n̄an jipan̄ ro rej en̄taan jān kakkure (abuse). Kōn leta eo eaar juon peba in kein jipan̄ kar kōkāāl unin tōl ko kōn ekōjkan an bisop ro im stake būreejtōnji ko ko̧o̧njeļe armej ro kakkure jān m̧ōm̧ an kanniōk im ekōjkan aer kōm̧m̧ani intōrpiu ko ippān membōr ro an Kabun̄ in. Kabun̄ in eaar barāinwōt bwillōke juon pija, “Protect the Child,” im kar kōkāāl Unin Kōnono ko an Gospel meļeļe eo kōn kakkure (abuse).

Men ko rekāāl im app ko. Karōk in Ekkatak ko ej kwaļo̧k meļeļe eo ekāāl tata kōn Gospel Library app eo ej kōtļo̧k am̧ kōm̧m̧ane juon jikejuuļ n̄an ekkatak jabdewōt kobban loi ilo app eo. Ordinances Ready ej juon kein jerbal ekāāl an FamilySearch eo me ej kapidodoikļo̧k pukōt āt ko n̄an tampeļ, lewaj eļapļo̧k am̧ iien n̄an jerbal n̄an baam̧le eo am̧ im lem̧ōņōņō kōn kōjeraam̧m̧an ko an tampeļ. Im FamilySearch ewōr epaakeļo̧k jilun̄uuļ jim̧a ikkure ko rekāāl kōm̧m̧an ilo m̧weo, eo āinwōt “Walk Where They Walked,” n̄an jipan̄ kakobaik membōr ro redik kōn menmenbwij an baam̧le. Ikkure ko rej pād ilo 10 kajin ko.

M̧akūtkūt ko reļļap rejjab em̧m̧an. Ilo an kemem ko reļļap an m̧anit im bwebwenato remaron̄ em̧m̧an, Kabun̄ ej kiiō ejjab julo̧k m̧akūtkūt ko reļļap āinwōt pageants ak m̧aaj im etetal ko reļļap. M̧akūtkūt ko reļļap jilu renaaj wōnm̧aanļo̧k wōt:, Nauvoo Pagents ilo Illinois, USA, kōn jipan̄ jān Headquarter eo an Kabun̄ in; Mesa Pageant ilo Arizona, USA, ium̧win tōl eo an erai; im British Pageant, ium̧win tōl an eria ritōl, n̄an kōm̧m̧ani aolep emen iiō. Kabun̄ in em̧ōj an barāinwōt kabōjrak m̧akūtkūt in kam̧m̧oolol ko kōn m̧anit m̧okta wōt jān aje ko an tampeļ im wōnm̧aanļo̧k wōt kōn nokon in jota ko an jodikdik ippān ritōl ro an Kabun̄ in rej lotok er.