Ngai bon te Kiritian!

Ngke I bwabetitoaki ao ni kamatoaaki, I katokaa aran Kristo.

Are nanona bwa I rineia bwa N na Iriiria ao ni kataia ni karaoa te bwai ae eti.

Ngai Christian! I kakoaua bwa Kristo Natin te Atua ae te Rikitemanna—

Te Uea n Raoi, te Tia Kawakin Tiibu ae Raoiroi, Te Berena ni Kamaiu, Atuaia Iteraera ae Tabu.

Ngai Kiritian! I wareki koroboki aika tabu ni katoa bong, n reiakina aron Maiuna,

Ana kakai, Ana reirei, Ana anga karea ae ake tokina.

Ngai bon te Kiritian! I tangira te aonaaba bwa e ana ataia bwa e mate Iesu ibukiia.

Ibukina ngkai E a tia n anga Maiuna ibukira, ti na bane ni maiu, ti na manga bane ni maiu!

Ngai bon te Kiritian! Ngkana e rootaki tamneiu n te bure ke ni katabeaianga n te aonaaba,

I raira nanou nakon Iesu ao I ataia bwa E bon mena ikekei.

Ngai bon te Kiritian! I kabonganai baike iai Irou ni buokiia raoraou ake a rootaki n te kainnano.

I kataia ni karaoa are e karaoia Kristo; I iriira Ana kairiiri.

Ngai bon te Kiritian! I uringa Kristo n te kawai are E tuangiira bwa:

N na anaa te toa ni katoa wiiki ao ni berita bwa N na kokoaua.

Ngai bon te Kiritian! E ngae ngkana tii ngai, I kaota te etieti.

I kokoaua, ninikoria, ao n tamaroa. Ko kona n onimakinai.

Ngai bon te Kiritian! I kabwarai aia bure ni kabane ake a rineia bwa a karaoa ae bure.

I butimwaea te rau ao te iraorao ao ni buokiia aomata ni waaki nako.

Ngai bon te Kiritian! I tangira te Iesu Kristo ma nanou ni kabane. E bon koaua!

Am tai ngkai—taiaoka tibwauaia bwa tera nanon te riki ni Kiritian iroum!