Kau ʻAposetolo ʻi he Funga Māmaní
Ko e ʻAʻahi ʻa ʻEletā Gong ki ʻĪtalí
ʻOku fononga e Kau ʻAposetoló he funga ʻo e māmaní ke ngāue fakaetauhi ki he kakaí mo akoʻi kinautolu fekauʻaki mo Sīsū Kalaisi.
Naʻe folau ʻa ʻEletā Kēliti W. Kongo mo Sisitā Sūsana Kongo ki ʻĪtali ʻi he taimi naʻe fakatapui ai e Temipale Rome Italy. Ko e fuofua temipale ia ke langa ʻi ha feituʻu ne akonaki ai e Kau ʻAposetolo ʻa Sīsuú ʻi he kuonga ʻo e Tohi Tapú!
Naʻe faitaaʻi ʻa ʻEletā Kongo, mo e Kau Palesitenisī ʻUluakí, mo e kau ʻAposetolo kehé ʻi he senitā foʻou maʻá e kau ʻaʻahí. Naʻa nau tuʻu ‘i muʻa he maka fakamanatu ʻo Sīsū Kalaisi mo ʻEne Kau ʻAposetoló.
Naʻe omi e fānau ko ʻení mo honau ngaahi fāmilí ke fanongo ki hono fakatapui ʻe Palesiteni Lāsolo M. Nalesoni ʻa e temipale foʻoú. ‘I heʻenau lahi feʻungá, te nau lava leva ʻo fakahoko ha ngaahi papitaiso ai!
ʻE maʻu ʻa e vitiō “Excerpts mei he ʻKo e Kalaisi Moʻuí: Ko e Fakamoʻoni ʻa e Kau ʻAposetoló” ʻi he ChurchofJesusChrist.org