ʻOku Founga Fēfē Hono Kākaaʻi Kitautolu ʻe Sētané?

ʻOku founga fēfē hono ueʻi ʻe Sētane e kakaí ke nau ʻita ʻi he ngaahi meʻa leleí?

Ko ha ngaahi meʻa lelei eni ʻe niʻihi ʻe lava ke ʻahiʻahiʻi ʻe Sētane e kakaí ke nau ʻita ki ai:

• Nofo-malí mo e fāmili tukufakaholó

• Angaʻofa mo manavaʻofa ki he taha kotoa pē, ʻo kau ai e niʻihi ʻoku nau kehekehe meiate koe

• Tui fakalotu kuo fokotuʻu

ʻOku founga fēfē hono ngaohi ʻe Sētane e kakaí ke nau matuʻaki fiemālie ʻo ʻikai toe tokanga ke tauʻi e koví pe taʻofi ʻenau feinga ke tupulaki fakalaumālié?

Ko ha ngaahi loi eni ʻe niʻihi ʻe lava ke talamai ʻe he tēvoló ke tau fakafiefiemālie ai:

• Ko e meʻa pē ʻoku mahuʻingá ko e fiefia ʻi he moʻuí mo maʻu meʻa leleí.

• Ko e hā pē ha meʻa ʻoku faingataʻa pe taʻefakafiemālie kiate kitautolu ʻoku kovi ia, ko ia ai, fakaʻehiʻehi mei ai.

• Ko e koloa pē ke hā ngali lelei e meʻa kotoa, ko e meʻa pē ia ʻoku mahuʻingá.

ʻOku feingaʻi fēfē ʻe Sētane e kakaí ke taʻofi ʻenau tui ʻoku ʻi ai ha tokotaha kovi pea ʻe fakamaauʻi kitautolu ʻe he ʻOtuá?

Ko ha ngaahi loi eni ʻe niʻihi ʻe feinga ʻa Sētane ke fakatauveleʻi ʻaki kitautolu ʻoku ʻikai ha kovi pea ʻikai ha ngaahi nunuʻa:

• Ko e moʻuí pē ʻeni, fiefia ai.

• Kapau ʻokú ke ongoʻi ʻoku sai, fai ia.

• Vakavakai holo. ʻOku ʻikai tauteaʻi e kau fai angahalá ia. Ko e hā ʻoku ʻikai ke ke fiefia ai hangē ko kinautolú?