2020
Direkta sa Punto
Agosto 2020

Direkta sa Punto

Unsaon nako nga makaangkon og mas lawom nga pagpamatuod sa Unang Panan-awon ni Propeta Joseph Smith?

Imahe
First Vision

Paghulagway pinaagi ni Dan Burr

Kining tuiga, 2020, mao ang ikaduhang siglo sa Unang Panan-awon ni Joseph Smith. Si Presidente Russell M. Nelson misugyot og pipila ka mga paagi aron sa pagpalig-on sa atong mga pagpamatuod niini nga importante nga panghitabo:

  • Basaha pag-usab ang asoy ni Joseph Smith sa Unang Panan-awon (tan-awa sa Joseph Smith—Kasaysayan 1:1–26).

  • Pamalandong og mga pangutana sama sa, “Sa unsang paagi nga mahimong lahi ang akong kinabuhi kon ang akong kahibalo nga naangkon gikan sa Basahon ni Mormon kalit nga kuhaon?” o “Sa unsang paagi ang mga panghitabo nga misunod sa Unang Panan-awon nakahimo og kalainan alang kanako ug sa akong mga minahal sa kinabuhi?” (tan-awa sa “Panapos nga Pakigpulong,” Oktubre 2019 nga kinatibuk-ang komperensya).

  • Agig dugang, mahimo kang magkat-on og dugang mahitungod sa Unang Panan-awon pinaagi sa pagbasa mahitungod sa lain-laing mga bersyon sa istorya nga gisugilon ni Joseph Smith sa katawhan (tan-awa sa “First Vision AccountsFirst Vision AccountsFirst Vision Accounts,” Gospel Topics, topics.ChurchofJesusChrist.org).

  • Pagtuon sa bag-ong pamahayag kabahin sa Pagpahiuli og himoa nga mahisulat ang mensahi niini sa imong kasingkasing (tanawa sa Russell M. Nelson, “Paminaw Kaniya,” Liahona, Mayo 2020, 91-92).

  • Pagtuon sa mga pakigpulong gikan sa Abri 2020 nga kinatibuk-ang komperensya, nga misaulog sa ika-200 aga anibersaryo sa Unang Panan-awon.

  • Human nga ikaw nakatuon ug nakapamalandong, importante nga moadto sa Langitnong Amahan pinaagi sa pag-ampo. Pagpahayag og pasalamat ngadto Kaniya sa pagtawag ni Propeta Joseph Smith ug sa dako nga kahayag ug kahibalo nga miabut kanato isip resulta. Hangyoa Siya sa mapainubsanong paagi sa pagpalig-on sa imong pagpamatuod sa Unang Panan-awon. Ug pangutana Kaniya kon ikaw ba adunay bisan unsa nga mabuhat nga mas makapalig-on niana nga pagpamatuod. Motubag Siya kanimo pinaagi sa Iyang Espiritu ug mohatag og tambag nga gipahaum alang kanimo.