U Rogon Nrayag ni Nggu Nang Laman Somoel u lan e Yafos Rog?

siasing/Llecheklel

Pagal ni fal’ yangren ni nge be’eg fapi thin nib thothup

President Russell M. Nelson e ke pining daed ni ngaed “tafney niged ni gubin ngayal’” ko rogon ni gadaed ma rung’ag Yesus Kristus ma gadaed “gay rogon ni ngad rung’aged laman ni gubin ngayal’” (“‘How Do You #HearHim?’ Ba Mulwol nib Fel’,” Feb. 26, 2020, blog.ChurchofJesusChrist.org).

Rayag ni ngaed rung’agned laman u lan fapi thin nib thothup nge ku fapi thin rok fapi profet. Machane gathi kemus ni ngan rung’ag fan be’eg fapi thin e kemus kanawo’en. U dakean fare Profet Rok i Joseph Smith, Somoel e weliy:

“Irraram e lam rog ni be weliy e pi [thin ney] ngom; ya kan pi’ ngom u dakean fare Kan Thothup rog ngom … ;

“Ere chiney, e rayag ni ngam micheg ni kam rung’ag lamag” (Doctrine and Covenants 18:35–36).

Machane, gay rogon ni ngan rung’ag Laman e gathi ngan rrin’ bochi ningyal’. President Nelson e yoeg, “btu’uf ni ngan tafney nag min gay rogon ni gubin ngayal’” (“Hear Him,” Apr. 2020 general conference [Ensign fa Liahona, May 2020, 89]).

Napan ni garam fil, mag meybil, mag pigpig, mag fol ko fapi motochiyel rok Somoel, ma ra tawa’ath nigem ko fare Thothup rok, ma dakean fare Bayul Rok Yesus Kristus, ma ra thilyegnem. Ma aram ma gara nang ni kam rung’ag Laman.