Melemolem el Ocholt

A Profet Joseph Smith a ngilai a betok el chedaol locholt. Betok el chedaol locholt le ngilai a Profet Joseph a mle kldmokl el medechel el kired er a chelsel a Doctrine and Covenants.

A lmuut el tang, kid a ngeltengat el melemolem a ocholt el lolai a re profet el tir a “mlodurch lomtechei er a Rubak, el ngerchelir a mengedecheduch el Kirel.”¹

A chedaol locholt a ngarngii el mo er tirkel rokui el loba ngariou reng e osiik a ulekrael er a Rubak. Ng kmal klou a bekul el uaia ocholt er a ulaoch.

A chedaol locholt el mora tang a ultuil er a chedaol klemerang el mengai lokiu Chedaol Reng. A Chedaol Reng sel ngii aolecholt e ouchais a rokui el klemrang, tokuni a kirel a Osobel. A lak a Chedaol Reng, eng diak el sebeched el meral mo medengei el kmo a Jesus a Kristo. Sel kmalklou a belkul ngerchelel a mo sioning el kirel a Chedam me a Ngalek me a Deruchellir me a Klebkellir.

A kmal subedemiu el kmo a ulekrael er a chedaol locholt a sebechel mo er a dersta er kid sel doba ngariou el reng e doureor er a sersel a Rubak.

Ak oba ngariou el reng lolengit el kmo a derta er kid bol osiik e lolai a melemolem el ocholt el mo mengetikaik a klengar er kid e oltirakl er a Chedaol Reng sel doldanges er a Dios el Chedam me a Osobeled, el Jesus Kristo.