“Ndinofarira Kuona Temberi,” For the Strength of Youth (ZveRusimbiso rweVechidiki), Chivabvu 2021.
Chikamu cheMugovera Mangwanani
Ndinoda Kuona Temberi
Zvikamu Zvakatorwa
Ndinoziva kuti temberi dzaIshe inzvimbo tsvene. Chinangwa changu nhasi mukutaura nezve matemberi ndechekuwedzera chido chenyu nechangu chekuva takakodzera uye takagadzirira mikana yakawedzerwa yezviitiko zvetemberi irikuuya kwatiri muneramangwana. …
Iwe kana ini tikaenda kutemberi tiine zvisina kururama patiri, hatizokwanisa kuona, kuburikidza nesimba reMweya Mutsvene, dzidziso yemweya pamusoro peMuponesi iyo yatinokwanisa kugamuchira mutemberi.
Apo patinokodzera kugamuchira dzidziso yakadai, mukana unokwanisa kuvapo wekukura kwetariro, mufaro, uye tarisiro yakanaka nemuupenyu hwedu hwose kuburikidza nechiitiko chedu chemutemberi. Tariro, mufaro, netarisiro yakanaka izvozvo zvinowanikwa chete kuburikidza nekutambira zvisungo zvinoitwa mumatemberi matsvene. Mutemberi ndimo matinokwanisa kugamuchira vimbiso yekubatana kwehukama hwemhuri kune rudo kunozoenderera mberi mushure merufu uye kunozovapa nokusingaperi. …
… Uye tinoziva kuti rufaro rwedu rwekusingaperi runoenderana nekuita kwedu zvose zvatinogona kupa rufaro rusingaperi rumwecheterwo kune vakawanda vehama dzedu vatinokwanisa.
Ndinonzwa chido chimwechetecho chekubudirira mukukoka nhengo dzemhuri dzinorarama kuti dzide kuva dzakakodzera kugamuchira nekukudza zvisungo zvekusunganidzwa zvemutemberi. Ndicho chikamu chekuunganidzwa kwakavimbiswa kweIsraeri mumazuva ekupedzisira kumativi ose echidzitiro.