Ta eo Doulul in Anij?

Jemedwōj Ilan̄, Jisōs Kraist, im Jetōb Kwojarjar rej armej ro rejenolo̧k kōn juon wo̧t kōttōpar.

Pija

Visōn eo M̧oktata

Dipdik in kōmeļeļe eo jān Visōn eo M̧oktata , jān Jon McNaughton

Juon rijeje nuujpeba ekar kajjitōk ippān Rikanaan Josep Smith ta eo ro uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata raar tōmak ie. Ilo uwaake, Rikanaan eo ekar je 13 ennaan ko kōn tōmak ko me jej ņae etan Laajrak in Tōmak ko. Ennaan eo jinointata ej ba “Kōmij tōmak ilo Anij, eo ej Jemem Indeeo, im ilo Nejin, Jisōs Kraist, im ilo Jetōb Kwojarjar” (Laajrak in Tōmak Ko 1:1). Rein jilu rej ejaake ta eo jej ņae etan Doulul in Anij.

Anij, Jemed Indeeo

Anij ewōr juon ānbwinnin jerkakpeje an kanniōk im di ko. E ej Jemen jetōb ko ad. E eweppan̄ An iakwe n̄an kajjojo ajri ro Nejin. Anij eweppan̄, epād aolep kajoor Ippān, im Ejelā aolep men. E juon eo ejim̧we, etūriam̧o̧ kake, im ejouj. Jekar mour āinwōt jetōb ro ippān Anij m̧okta jān ad kar ļotak. E ekar jilkintok kōj n̄an laļin n̄an ekkatak im eddōkļo̧k. Kōnaan eo an Anij eļaptata ej bwe kajjojo ro Nejin ren bar ro̧o̧ļ n̄an Ippān alikin ad mej. Anij ej katakin kōj bwe jej aikuj ļoor Jisōs Kraist n̄an ro̧o̧l n̄an im̧aan mejān Anij.

Pija

Jisōs Kraist ej Kwaļo̧k Naan ilo Laļ eo an Jetōb

Christ Preaching in the Spirit World, jān Robert T. Barrett

Jisōs Kraist

Jisōs Kraist ekar barāinwōt wōr juon ānbwinnin ekar jerkakpeje an kanniōk im di ko. E ej M̧aanje eo nejin Anij. M̧okta jān ad kar ļotak, Anij ekar kāālet E bwe en ad Rilo̧mo̧o̧r. Meļeļe in menin ej bwe Jisōs Kraist ekar itok n̄an laļin bwe en juon waanjon̄ak n̄an kōj, katakin gospel eo An, pinmuur kōn jerawiwi ko ad, im lo̧mo̧o̧ren kōj jān mej. Kōn Jisōs Kraist, emaron̄ jako jerawiwi ko ad n̄e jej ukweļo̧k. Jisōs Kraist ekar barāinwōt en̄taan kōn elōn̄ men ko jon̄an E emaron̄ meļeļe im jipan̄ kōj. Jisōs Kraist ekar mej innām bar mour, ej kapidodoik n̄an aolep bwe ren bar mour.

Pija

kallib eo an Kraist

Pija ko jān Getty

Jetōb Kwojarjar

Jetōb Kwojarjar ej juon uwaan Doulul in Anij eo ejeļok anibwinin kanniōk. E ej juon jetōb. Jetōb Kwojarjar emaron̄ kōnono ippān jetōb ko ad. Ej kam̧ool n̄an kōj bwe ewōr Anij im bwe Jisōs Kraist ej ad Rilo̧mo̧o̧r. Jetōb Kwojarjar ej juon ribōkto bōktak ennaan an Anij n̄an letok en̄jake in iakwe, tōl, im aeņōm̧m̧an. Ne jej peptaij im kapene, jej bōk menin letok eo an Jetōb Kwojarjar. Ālkin ad peptaij, Jetōb Kwojarjar enaaj pād ippād ilo ad kōjparok kien ko an Anij.

Pija

Visōn eo M̧oktata

First Vision, jān Walter Rane

Visōn eo M̧oktata an Josep Smith

Ilo elon̄ iien ko, armej rekar pok kōn Doulul in Anij. Armej rejjan̄in kar jab errā kōn ewi jekjek in Anij, Jisōs Kraist, im Jetōb Kwojarjar. En̄in unin an aorōk Visōn eo M̧oktata an Josep Smith. Ekar loe bwe Jemedwōj Ilan̄ im Jisōs Kraist ewōr ānbwinier im ruo armej rejenolo̧k.

Pija

Ron̄jake

Listening, jān Michael Jarvis Nelson

Rejeņolo̧k ak Juon Wōt

Jeje ko Rekwojarjar im rikanaan ro raan kein rej katakin kōj bwe Anij, Jisōs Kraist, im Jetōb Kwojarjar rej armej ro rejenolo̧k kōn juon un: jab wabanban im mour indeeo eo ad (lale Moses 1:39). Āinwōt ro uwaan ejja kumi eo wōt, Rej jerbal ippān doon n̄an jipan̄ kōj aolep raan. Jemaron̄ en̄jake ad epaake Er n̄e jej ukweļo̧k jān jerawiwi ko ad im kālet ejimwe eo.

Jeje ko Rekwojarjar rej kōn Doulul in Anij

Jemedwōj Ilan̄ im Jisōs Kraist rej juon ilo un (lale Jon 10:30).
Jemedwōj Ilan̄ ekar kōnono n̄an Nejin (lale Matu 3:16–17).
Jisōs Kraist ekar kōnono n̄an Jemen (lale Jon 11:41).
Jisōs Kraist ekar jar kōn kōj n̄an erom̧ juon wōt juon raan (lale Jon 17:11).
Josep Smith eaar lo Jemedwōj Ilan̄ im Jisōs Kraist (lale Josep Smith—Bwebwenato 1:17).
Jetōb Kwojarjar ej kam̧ool bwe Jisōs Kraist ej ad Rilo̧mo̧o̧r (lale Jon 15:26).

© 2021 jān Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin English: 6/19. Kōmālim an ukook: 6/19. Ukook eo an Monthly Liahona Message, June 2021. Marshallese. 17470 874