Miniʼ Fare Dalip Niiʼ ni Yad Bthil machane Taʼareb Fanrad?

Chitamangiy nu Tharmiy, Yesus Kristus, nge fare Kan ni Thothup e dalip niiʼ nib thil ni taʼareb fanrad.

siasing/Llecheklel

Bin Somm’on e Yi’iy

Mornga’agen fare Bin Somm’on e Yi’iy, ke yib rok Jon McNaughton

Be’ ni ma yoloy e babyor ko news e fith ngak Profet Joseph Smith ko mang e michuwan’ fapi girdi’ ko Fare Galasia rok Yesus Kristus nifan ko Gidii’en Got ko Tin Tomur e Rran. Me fulweg, ni yoloy fare Profet ragag nge dalip bugithin ko mich ni gadad ma yog fapi Kenggin Lik’ngin e Mich ngay. Bin somm’on e pi bugithin ney e be ga’ar, “Ba mich u wunʼmad ni bay Got, ni Chitmangiy ni Machalbog, nge Fak ni Jesus Kristus, nge Fare Kan ni Thothup” (Kenggin Lik’ngin e Mich 1:1). Pi dalip niiʼ ni yad bthil machane taʼareb fanrad e ka nog pi Girdi’en Lolgen Got ngorad.

Got, ni Chitamangiy ni Machalbog

Got e ke fosag e dogur ko dowef nge yil. I’ir e Chitamangin e ya’al rodad. Bt’uf gubin pi fak rok nib polo’. Got e be’ nib polo’, ma urngin gelngin ma bay rok, ma manang gubin banan. Ma bee’ be fel’ ko pufthin, nib mab sug ko murnguy, mab gol. Ku ud pired rok Got ni gadad bugi ya’al u m’on nin gargeleg dad. Ke pi’ dad nga fayleng ni ngad fil’ed min mon’og. N’en nth’abi adag Got e nge sul gubin pi fak Ngak ngar pired Rok biyay u tomuren ni kad m’ad. Got e fil’ ngodad ni thingar da laked Yesus Kristus ni ngayag ni ngad suled Ngak.

siasing/Llecheklel

Yesus Kristus ni be Machib u Tofen e Ya’al

Yesus Kristus ni be Machib u Tofen e Ya’al, ke yib rok Robert T. Barrett

Yesus Kristus

Yesus Kristus e kan fosag e dogur rok ko dowef nge yil. Ir fare Fak Got nib m’on. U m’on nin gargeleg dad, Got e mel’eg ni nge mang fare Tathapeg rodad. Biney e be yipfan ni Yesus e yib nga fayleng ni nge dag wo’en ngodad, me machib nag fare gospel Rok, me yim’ nifan ko pi denen rodad, me fosag dad ko yam’. Bachan Yesus Kristus, rayag ni ngan n’agfan e pi denen rodad nap’an ni gadad ra kalngan’. Yesus Kristus e bo’or e tin ni gafgow riy ni nge yag ni nge nang rogon ni nge ayuweg dad. Yesus Kristus e yim’ maki fos biyay, nike ngongliy rogon nrayag ni nge fos gubin e girdi’ biyay.

siasing/Llecheklel

gam’eyag rok Kristus

Sasing ni yib ko Getty Images

Fare Kan ni Thothup

Fare Kan ni Thothup e reb fare dalip niiʼ ni dariy e dogur rok. Iʼir beʼ nib yaʼal. Fare Kan ni Thothup e rayag ni nge non ko yaʼal rodad. Ir e ma yog ngodad ni Got e beʼ nib riyulʼ ma Yesus Kristus e fare Tathapeg rodad. Fare Kan ni Thothup e ir e me afweg e thin rok Got ngodad me piʼ e thamtham ko tʼufeg, powʼiy, nge gapas ngodad. Nap’an nran tawfe nagdad min yibliy dad, ma aram ni kad thapagned fare Kan ni Thothup. Tomuren e tawfe rodad, fare Kan ni Thothup e rayag ni nge par rodad ni gubin ngiyalʼ ni gadad be fol ko fapi motochiyel rok Got.

siasing/Llecheklel

Bin Somm’on e Yi’iy

Bin Somm’on e Yi’iy, yib rok Walter Rane

Bin Somm’on e Yi’iy ku Joseph Smith

Bay bangiyal’ ni balyangaenʼ e girdiʼ ko miniʼ fare dalip niiʼ ni yad bthil machane taʼareb farad. Ma girdiʼ e thilthil lungrad ko miniʼ Got, Yesus Kristus, nge fare Kan ni Thothup. Ireray reb fan ni fare Bin Sommʼon e Yiʼiy ni yib ngak Joseph Smith e rib gaʼfan. Ke guy ni Chitamangdad nibay u Tharmiy nge Yesus Kristus e yow lʼagruw ni bay downgin row ma lʼagruw niiʼ yow bthil.

siasing/Llecheklel

Motoyil

Motoyil, ke yib rok Michael Jarvis Nelson

Yad Bthil machane Taʼareb Farad

Thin nib thothup nge pi profet e chiney e kar filed ngodad ni Got, Yesus Kristus, nge fare Kan ni Thothup e yad bthil machane taʼareb farad: yafos nib manechubog nge dagur ni dabki yimʼ biʼid (mu guy ko Moses 1:39). Wod girdiʼen fare ulung nib taʼab rogon, Yad ma murwel u taʼabang ni ngar ayuweged gadad ni gubin e rran. Rayag ni ngad chuchugur gad Ngorad napan ni gadad ra kalnganʼ ko pi denen rodad min melʼeg e tin nib matʼaw.

Fapi thin nib Thothup ni be weliy morngaʼagen fare dalip niiʼ ni yad bthil machane taʼareb farad.

Chitamangiy nu Tharmiy nge Yesus Kristus e yow ba ta’reb (mu guy ko John 10:30).
Chitamangiy nu Tharmiy e non ngak Fak (mu guy ko Matthew 3:16–17).
Yesus Kristus ni non ngak e Chitamangin (mu guy ko John 11:41).
Yesus Kristus ni meybil ni fadad ni ngad ta’arebgad (mu guy ko John 17:11).
Joseph Smith nike guy e Chitamangiy nu Tharmiy nge Yesus Kristus (mu guy ko Joseph Smith—History 1:17).
Fare Kan ni Thothup e ma micheg ni Yesus Kristus e ir fare Tathapeg rodad (mu guy ko John 15:26).

© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Ni pilyeg ko Mulwol ni Ngan Thapeg ko biney e Pul nifan e Liahona, June 2021. Yapese. 17470 905