Etan Kabun̄ eo An

Kabun̄—juon kurup in armej ro rej tōmak ilo juon wōt men im kabun̄ jar ippān doon. Kabun̄ in ej an Jisōs Kraist. E eaar kajutake. E ej tōl e. Ej An.

Jisōs Kraist em̧ōj an kar ba n̄an kōj ta eo Ekōnaan bwe armej ren ān̄inn̄in etan Kabun̄ eo An. Kōn menin ej ta eo jej aikuj ānin̄nin̄i—im bwe jej aikuj kajjitōk ippān ro jet bwe ren ān̄inn̄in e. Āt in ekar itok jān Jisōs Kraist

Raan ko āliktata—raan ko jej m̧our ie; iien eo m̧okta jān itok eo an Jisōs Kraist Kein Karuo. Jisōs Kraist em̧ōj an kōjepļaaktok Kabun̄ eo An n̄an laļ in ilo raan kein āliktata. Enaaj jipan̄ laļ in kōppopo n̄an itok eo An Kein Karuo.

(Lale “kabun̄ eo aō.”) En̄in ej naan eo jinoin tata ilo āt eo Rilo̧moor ekar etōņak etan Kabun̄ eo An. Ekar etōņake etan “Kabun̄ eo” kōnke E eo ekar ejaake. Im Ekar likuti Etan ilo ie.

(Lale “raan ko āliktata.”) Enin ej mōttan eo juon ilo etan Kabun̄ in. Ej kwaļo̧k bwe en̄in ej Kabun̄ eo Ekar kōjepļaak tok ilo raan kein, ejjab kabun̄ eo Ekar jinoe ilo iiō ko m̧okta.

Rikwojarjar—meļeļein naan in “armej ro rekwojarjar.” En̄in ej mōttan eo āliktata ilo etan Kabun̄ in. Ej kōnono kōn membōr ro ilo Kabun̄ in. Jisōs Kraist emaron̄ kōm̧m̧an bwe in erreo im weppān. Im Ekar letok Jetōb Kwojarjar n̄an kōkajoor koj ilo ad kajjieon̄ ta eo Ekar kakien kōj. Ne ewōr ad tōmak ilo E im kajjeon̄ wōt, E ej kakwojarjar kōj. Enaaj kōm̧m̧an bwe jen Kwojarjar.