Rongorongon te Utu e Buokiia Ara Bakatibu

Rongorongon te utu bon ukoukoraia ao atakiia kaain ara utu. Ti boboti naba rongorongoia ara bakatibu bwa ti aonga ni karaoa te mwakuri n te tembora ibukiia.

Tamnei

alt text

Utu a bon kakaawaki n ana babaire ni kakukurei Tamara are i Karawa. E a tia ni katauraoa te kawai ibukiia utu bwa a na reitinako n aki toki. Ngkana ti karaoa te mwakuri n rongorongon te utu ao te tembora, ti buokia ni uotiia kaain ara utu, aika maiu ao ake a mate. (“Te mwakuri n te tembora” nanona ko na karekei otenanti n te tembora bon ibukira, n aron are ti kabaeaki nakon kainabara, n aron karaoan naba otenanti inanon te tembora ibukiia ara bakatibu.)

Rongorongon te Utu ao te Mwakuri n te Tembora

Aomata ni kabane ake a tia ni maiu ke ni maeka iaon te aba a kainnanoi otenanti n te euangkerio. Ngkana aki karekei otenanti aikanne ara bakatibu, ti kona ni karaoi otenanti ibukiia inanon te tembora. Teuana mai ibuakon otenanti aikanne bon te kabaeaki nakoia kaiin te utu. Te “kabaeaki” nanona ti na kona ni maiu ma ara utu n akea tokina ngkana ti kororaoi. Ti kona ni kabaeaki nakoia ara utu ti inanon te tembora.

Kakabwaia n ana Mwakuri Rongorongon te Utu

Tamnei

utu

E kona rongorongon te utu ni buokiira ni kakorakorai ara reitaki ma kaain ara utu aika maiu. Ngkana ti tibwauai karaki, tamnei, ao ururing ake tabeua ma ngaira n tatabemanira, ti karaoi kabaebae n te utu. Ti kakorakora naba te tangira are iroura ibukira n tatabemaniira. A tia naba burabeti ni berita bwa mwakurian rongorongoia ara utu e na uotiira ni kaniira riki nakon Iesu Kristo.

Kakaeaia Ara Bakatibu

Tamnei

rekooti n te taetae n Tiaina

E tangiriira Tamara ae i Karawa bwa ti na kabaeaki nakoia ara utu aika ngkai ao nakoia ara bakatibu. Imwain are ti kona ni kabaeaki nakoia ara bakatibu, ti kainnanoia ni kakaea ao ni kawakina te rongorongo ibukiia. Ma rongorongon te utu e raka riki nakon ae ti kakaean aara, bongin te bong, ao taabo. Ngkana ti reirei taekaia ara bakatibu, ti na namakina te reitaki ae tamaroa riki ma ngaiia.

© 2021 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly Liahona Message, December 2021. Kiribati. 17476 859