Historia ya Familia Husaidia Mababu zetu

Historia ya familia ni kugundua na kujifunza kuhusu wanafamilia wetu. Pia tunakusanya taarifa kuhusu mababu zetu ili tuweze kuwafanyia kazi ya hekalu.

Picha

maandishi mbadala

Familia ni muhimu kwa mpango wa furaha wa Baba wa Mbinguni. Ametayarisha njia kwa familia kuendelea milele. Tunapofanya historia ya familia yetu na kazi ya hekaluni, tunasaidia kuwaleta wanafamilia wetu, walio hai na waliokufa, pamoja. (“Kazi ya hekalu” inamaanisha kupokea maagizo ya hekalu kwa ajili yetu wenyewe, kama vile kuunganishwa kwa wenzi wetu, na pia kufanya ibada hekaluni kwa ajili ya mababu zetu.)

Historia ya Familia na Kazi ya Hekalu

Kila mtu ambaye ameishi au atakayeishi duniani anahitaji ibada za injili. Ikiwa mababu zetu hawakuwa na nafasi hiyo, tunaweza kuwafanyia ibada hekaluni. Moja ya maagizo hayo ni kuunganishwa na wanafamilia. “Kuunganishwa” ina maana tutaweza kuishi milele pamoja na familia zetu kama tunakuwa wema. Tunaweza kuunganishwa kwa familia zetu kwenye mahekalu pekee.

Baraka za Kazi ya Historia ya Familia

Picha

familia

Historia ya familia inaweza kutusaidia kuimarisha uhusiano wetu na wanafamilia wetu walio hai. Tunaposhiriki hadithi, picha na kumbukumbu zingine mmoja na mwingine, tunaanzisha uhusiano wa kifamilia. Pia tunaimarisha upendo tulionao mmoja na mwingine. Manabii pia wameahidi kwamba kufanyia kazi historia ya familia yetu kutatuleta karibu na Yesu Kristo.

Kutafuta mababu zetu

Picha

rekodi kwa Kichina

Baba wa Mbinguni anataka tuunganishwe na familia zetu za sasa na kwa mababu zetu. Kabla ya kuunganishwa na mababu zetu, tunahitaji kutafuta na kisha kuhifadhi habari kuwahusu. Lakini historia ya familia ni zaidi ya kutafiti majina, tarehe, na maeneo. Tunapojifunza kuhusu mababu zetu, tutahisi kushikamana nao zaidi.

© 2021 na Intellectual Reserve, Inc. Haki zote zimehifadhiwa. Imepigwa chapa Marekani. Idhini ya Kiingereza: 6/19. Idhini ya kutafsiri: 6/19. Tafsiri ya Monthly Liahona Message, December 2021. Swahili. 17476 743