“Fare Mul e Kabyang ko fare Tonom Rok’ Got,” Liahona, January 2022
Milwol ni Ngan Thapeg ko biney e Pul nifen e Liahona, January 2022
Fare Mul e Kabyang ko fare Tonom Rok’ Got
Bachan fare Mul, kayag ni ngad bad nga fayleng ma ra boran riy ma ka gadaedra sul ngad pired rok e Chitamangdaed nu Tharmiy.
Adam nge Eva ni yow bay ulan farengi Milay’ nu Eden, by Robert T. Barrett
Ulan farengi Milay’ nu Eden, Got e motochiyel nag ngak Adam nge Eva dabra kew wa’amngin farke gak’iy ko llowaen’ ko tin nib mangil nge kireb. Ma ki yog ngorow ni, “Thingar mu mel’egnew ni fan ngomew, … machane, tew u wun’mew ni ku siyeg” (Moses 3:17). Mo’oniyan’ e lumel nag Eva ni nge kay wa’amngin farke gek’iy. Ke ga’ar ngak, “Gara wod fapi got, ni gara nang e tin nib mangil’ ko tin nib kireb” (Moses 4:11). Ke kay wa’amngin farke gek’iy ma ki pi’ ngak Adam. Got e chuweg row u dakean farengi Milay’ nu Eden.
Fare Mul
Adam nge Eva Nchuweg row u dakean farengi Milay’, by Gary L. Kapp, dabiyag ni ngan fek ya’an
Nap’an ni chuw Edam nge Eva u dakean farengi Milay’ nu Eden, ma aram ni dan kur mew u tan pa’ Got. Biney e k’iyeg rok Got e kanog e yam’ ko ya’al ngay. Chuweg row ko farengi milay’ e be yip fan nike thapeg Adam nge Eva e dowef nrayag ni ngar m’ow. Aram ni dan ki moy Adam nge Eva rok Got ma kar thapeg e dogur e chiney, yow bfalfalaen’ ma bay e athap rorow nap’an ni kar guyew nrayag ni ngar mon’og gow (muguy ko Moses 5:10–11). “Adam e mul ni nge sum e gidii’; ere gidii’ e bay, ni nge yog e falfalaen’ ngoraed” (2 Nephi 2:25).
Ba Ngiyal’ ko Sikeng
Nap’an nran gargelegdaed, ma aram ni kad palog gaed rok Got, ni wod Adam nge Eva ko tomuren fare Mul. Mo’oniyan’ e ma lumel nagdaed ni ngad rrin’ed e kireb. Tiney e lumel e fan ni nge sikeg nagdaed nge mel’eg u thilin e tin nib mat’aw nge togan (muguy ko Alma 12:24). Urngin ni ngiyal’ ni gadaedra denen ma dan ni kalngaen’, ma aram ni gadaed be palog nagdaed rok e Chitamangdaed nu Tharmiy. Machane fa’anra gadaedra kalngaen’, ma aram ni gadaed be chuchgur nagdaed ngak e Chitamangiy nu Tharmiy.
Yam’ ko Dowef
Fare fayleng e kan sunmiy ni fan ngodaed (muguy ko 1 Nephi 17:36). Fare Mul e fal’eg wo’en kanawo’en Edam nge Eva ni ngar ngongliyew e motochiyel rok Got ni ngar fakyew e bitir, ni ngeyag ni ngad bad nga fayleng ni bay e dogur rodaed. Ra bingyal’ ma ra yim’ e dogur rodaed, machane ya’al rodaed era ul’ul’ nge par nib fos. Dogur nge ya’al rodaed e ra sul biyay nga ta’abang ko nap’an ni gadaedra foskoyam’.
Ke yib u dakean Yesus Kristus
Fare Foskoyam’, Harry Andersen
U dakean fare bayul rok Yesus Kristus, rayag ni ngad gelgaed ko fare yam ko dowef nge dogur. Bachan e foskoyam’ ni tay Kristus, gubin e gidii’ ni kan gargeleg u dakean ere fayleng ney era foskoyam’ ma par ni gubinfen. Nge bachan e gafgow ni tay Kristus ni fan ko denen rodaed, rayag ni ngad kalangaen’gaed min n’agfan rodaed ni ngeyag ni ngad pired rok e Chitamangdaed nu Tharmiy biyay.
© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Ni pilyeg ko Monthly Liahona Message, January 2022. Yapese. 18295 905