“Berita aika tabu a Tomaira nakon te Atua,” Riaona, Beberuare 2022
Rongorongo n te Riaona ni Katoa Namakaina, Beberuare 2021
Berita aika tabu a Tomaira nakon te Atua
Karaoan ao kawakinan berita aika tabu a uoti kakabwaia.
Te berita ae tabu bon te berita imarenan Tamara are i Karawa ma Natina. E kawenei kaetieti ni berita aika tabu are ti karaoi ma Ngaia. Ngkana ti karaoa are E tua, ti na karekei kakabwaia aika a mwaiti. Ao tiaki tii karekei kakabwaia iaon te aba—ngkana ti karaoi man kawakin berita aika tabu, ti na kona n okirikaaki ni maeka ma te Atua ao ara utu i karawa n te bong teuana.
Berita aika Tabu ao Otenanti
Ti karaoi berita aika tabu inanon tabeua otenanti. Ti riai ni karekei taian otenanti akanne ao man kawakin berita aika tabu akanne bwa ti aonga n kona n okirikaaki ni maeka ma te Atua. Otenanti a karaoaki man ana kariaia te nakoanibonga. Taian otenanti aikai bon te bwabetito ao te kamatoa, karekean te nakoanibonga ae te Merekitereka (irouia mmwaane), ao ai otenanti ake ti karaoi inanon te tembora. N tain te toa, kaain te ekaretia a kabooui aia berita ake a tia n karaoi ma te Atua (taraa Reirei ao Berita aika Tabu 20:77, 79.).
Berita Aika Tabu A Buokiira Ni Maeka N Te Raoiroi
N te bwabetito, ti berita bwa ti na iriira Iesu Kristo, n aki toki n uringnga, ao ni kawakin tuua (taraa Reirei ma Berita aika Tabu 20:37). E berita te Atua bwa e na memena te Tamnei ae Raoiroi iroura n taainako.
Ngkana a karekea te nakoanibonga mmwaane, a berita bwa a na tau ni kabonganaa mwaakan ana nakoanibonga te Atua. E berita te Atua bwa e na kakabwaiaia. (Taraa Reirei ao Berita aika Tabu 84:33–40.)
Tamnein te Recife Brazil Tembora iroun James Porter
Berita aika Tabu Aika Ti Karaoi n te Tembora
Ngkana a karekea aia entaumente kaain te Ekaretia n te tembora, a berita bwa a na maiuakina ae raoiroi man angananoia ibukin te euangkerio. Te berita bwa a na karekea te mwaaka mai iroun te Atua (taraa Reirei ao Berita aika Tabu 38:32; 109:22).
Ni karaoan te kabaeaki n te tembora, te buu te mmwaane ma kainnabana te aine a mareaki n aki toki ao a berita bwa a na kawakina aia berita imarenaia ao nakon te Atua. E berita te Atua bwa a na kona n okirikaaki Nakoina man maeka bwa te utu ae akea tokina. (Tara Reirei ao Berita aika Tabu 132:19–20.)
Ngaira bon Aomata ni Berita
Naake a kaaina ana Ekaretia Iesu Kristo ibukiia Aika Itiaki ni Boong Aika Kaitira a riki bwa aomatan ana berita te Atua aika tabu. A karekei naba kakabwaia ma tibwanga man ana Berita ae tabu Aberaam ( taraa I-Karatia 3:27-29). Ngke ti riki bwa ana aomata ni berita te Atua nanona bwa ti na ibuobuoki imarenara n ana waaki ni kaania Kristo. Nanona naba bon te ikarekebai ni kakorakoraa ana Ekaretia te Atua iaon te aba. Ngkana ti kawakin ara berita aika tabu, ti na kona n karekea te mwaaka ma te korakora mairoun te Atua.
© 2022 iroun Intellectual Reserve, Inc. All rights reserved. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly Liahona Message, February 2022. Kiribati. 18313 859