“A Telbiil a Omak er Kid Lobengkel a Dios,” Liahona, February 2022
Bek el Buil Liahona Klumech, Ongeru el buil 2022
A Telbiil a Omak er Kid el Obengkel a Dios
A meruul e oltirakl a telbiil a meskid a klengeltengat.
A telbiil a yaksok er a delongelel a Chedam er a Babeluades me a Rengelekel. Ngii a tuib a mo teletelel a telbiil el kid a mo meruul lobengkel. Sel deruul a ikel Ngii a olengit er kid, e ke de mo ngmai a betok el klengeltengat. Me kid a diak dil tial beluulechad a dolai a klengaltengat er ngii—sel dorull e dotirakl a telbiil, e ke de lmuut el mo kiei lobengkel a Dios me a telungalek er kid er a babeluades er a tara klebesei.
Telbiil me a Chedaol Ruoll
Ke de a meruul a telbiil lokiu a bebil er a chedaol ruoll. Ng kired el mo ngai aikal chedaol ruoll e otirakl aikel telbiil mel bol sebeched el lemuut el mo kiei lobengkel a Dios. A ikal chedaol ruoll a mo mekedmokel lokiu a oba ngerachel er a priesthood. Aikal chedaol ruoll luldimukl a techolbechelid me a olterekokl, melai er a Melchizedek Priesthood (mora rsechal), me a chedaol ruoll el dengai er a chelsel a templo. Sel temel a cheddaol belsoil, ea rechedal a Ikelesia omekbeches a yaksok el tir a riruul el mora Dios. (mesa Doctrine and Covenants 20:77, 79).
A Telbiil a Ngosukid el mo Kiei Lokiu a Llemalt
Sel temel a techolbechelid, e kede yaksok el mo oltirakl er a Jesus Kristo, blechoel el melatk er ngii, e oltirakl a llechul (mesa Doctrine and Covenants 20:37). A Dios a yaksok el kmo a Chedaol Reng a mo blechoel el obengked.
A klou el chad se el nguu a priesthood, e te yaksok el mo kiei el klikiid loba klisichel a preisthood er a Dios. A Dios a yaksok el mo omekngeltengat er tir. (Mesa Doctrine and Covenants 84:33–40.)
Lecheklel a Recife Brazil Temple el mlara James Porter
Telbill el Dorull er a Chelsel a Templo
A rechedal a Ikelesia sel lengai a chedaol klisiich er a templo, e te yaksok el mo kiei el melemalt e oderseterir el kirel a ebangkelio. Te mo nguu a klisiich el ngii a yaksok el mlara Dios (mesa Doctrine and Covenants 38:32; 109:22).
Sel temel a omerenged er a chelsel a templo, ea chad me a bechil a mo bechiil el mo cherechar e yaksok el mo kedung er a delongelir me a Dios. A Dios a yaksok el sebechir el lemuut el mo er Ngii e kiei lobengkel el telungalek el mo cherechar. (Mesa Doctrine and Covenants 132:19–20.)
Kid a Chad er a Telbiil.
Tirkel mo chedal a Ikelesia er a Jesus Kristo er a Uriul-klebesei el Santo a mo chedal a Dios er a telbiil. Te dirrek el mo odiukes a klengeltengat me a ngerachel el ngara telbiil el mora Abraham (mesa Kalatia 3:27–29). Sel de chedal a Dios er a telbiil a belkul a kmo ke de kaingeseu sel dorael el mo kmeed er a Krsito. Ng dirrek el belkul a kmo kede mo melisiich er a ikelesia er a Dios el ngara beluulechad. Sel doltirakl a telbiled, eng sebeched el ngmai a klisiich me a omelisiich le ngara Dios.
© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, February 2022. Palauan. 18313 881