Girjaghar Callings Me Sewa Pradaan Karna

Girjaghar ke leaders sadasyon ko khaas kaamo me sewa karne ke liye niyukt karte hai jinhe “callings” kaha jaawe hai. Callings se sadasyon ke maoka mile hai dusar ke sewa kare ke aur Parmeshwar ke nazdeek aawe ke.

Tasveer

wheelcheyar me ek admi Girja la ek kaksha padhawe

David Bowen Newton ne photos ghinche

Jab hum log apan callings ke pura karta hai, hum log Parmeshwar ke kaam kare me madad karta hai. Hum log aur sab ke Swarg ke Pita aur Ishu Masih ke baare me sikhaata hai aur uh log ke madad karta hai Unke nazdeek aawe ke. Imaandaari se sewa kare se hum log ke ashirwaadein bhi mile hai.

Callings Apnaana

Tasveer

jawaan purush Girjaghar ke sabha ke aage khada

Jon sab log Girjaghar me sewa pradaan kare hai ke Parmeshwar se niyukti(calling) mile hai. Girjaghar ke leaders prerna ke liye praathna kare hai ih jaane ke ki kiske kon calling me sewa kare ke chaahi. Ek leader tab ek sadasye se puche sewa kare ke aur uh calling ke zimmedaari samjhaawe hai. Sadasyon ke ek Girjaghar sabha me sustain kara jaawe jahan ward ya branch ke sadasye log ek sustaining(swikriti) vote dewe hai. Iske matlab hai uh log maange uh sadasye ke sahayta kare jiske calling mila hai. Iske baad uh sadasye ke ek purohiti leader dwara ashirwaad dewa jaai. Iske bola jaawe set apart hona. Uh sadasye ke adhikaar mili uh calling me kaam kare ke aur kuch ashirwaadein mili uske sewa pradaan kare me sahayta ke liye.

Bishops

Ek ward ke leader ke bishop bola jaawe hai. (Ek braanch me, bishop ke darja ke insaan rahe hai ek branch president ya pradhaan.) Stake ke pradhaan ek yogye purohiti rakhe la ke sifaarish dewe hai bishop niyukt howe ke liye. Pratham Adhyakshta ih calling(niyukti) ke swikriti dewe hai. Uske baad bishop ke sustain aur set apart kara jaawe hai sewa pradaan ke liye. Uske bhi purohiti ke chaabiyaan mile hai, jiske matlab hai uske adhikaar mile ward ke aguwaai kare ke. Bishop hone ke naate, uh ward ke sab sadasyon ke sewa kare aur aage badhaawe hai.

Presidencies(Adhyakshtaaen)

Purohiti ke quorums aur Sahayak Sanstha, Jawaan Mahilaaen, Primary, aur Raviwaar Kaksha sansthaaon ki aguwaai presidencies karte hai, zyaada kar ke ek president(pradhaan) aur do counsellors(salaahkaarein). Elders quorum presidencies ke bulaawa jaae aur set apart kara jaawe hai stake presidency dwara. Bishopric sadasyon ke ward ke aur sab presidencies me sewa pradaan kare ke liye bulaawe hai aur uh log ke set apart kare hai. Sab leader log apan quorums ya presidencies me sadasyon ke sewa kare hai. Uh log sadasyon ke zarooraton ke dekhrekh kare aur uh log ke Parmeshwar ke pyaar mehsoos kare me madad kare hai.

Tasveer

bachcha pakde huwe ek maa ke ek aurat khaana laawe hai

Baaki Sab Callings

Baaki sab Girjaghar callings me shaamil hai sikhaana, sangeet me madad karna, sab kuch darj karna, yuva ya bachchon ke activities ki yojna banana, aur anye tariko se sewa karna. Girjaghar me har ek calling zaroori hai aur sadasyon ko maoka deta hai dusron ki sewa karne aur Parmeshwar ki sewa karne ki. Jab hum sab ek saath mil kar apne callings ko pura karte hai, hum baaki sadasyon ko mazboot karte hai aur Girjaghar ke pragati me madad karte hai.