“Ewe Sakrament: Ew Anen ach sipwe Chechemeni ewe Chon Amanau,” Liahona, Apr. 2022.
Porous ren Liahona Iteiten maram, April 2022
Ewe Sakrament: Ew Anen ach sipwe Chechemeni ewe Chon Amanau
Ewe Amuchunon Faf, seni Simon Dewey
Non ewe pwinin me mwen I epwe irapengesino, Jises Kraist a churi Noun kewe Aposel ren ewe Amuchunon Faf. Ikeweia I a akkaewin ngenir ewe sakrament. I a awewei pwe ew anen ar repwe chechemeni I. Ewe sakrament ew angangepin ikewe sia angei ewe pinewa me konik ach sipwe chechemeni an Kraist Achasefan. Ewe pinewa mi wewe ngeni inisin Kraist, me ewe konik mi wewe ngeni Chaan.
Sia angei ewe sakrament iteiten Raninifen fansoun mwichen sakrament. Sia konu echo kon nupwen ekkewe mi wor ar pristut ra kinikisietiw ewe pinewa.
Ekkewe mi wor ar pristut ekkewe ra kinikisetiw ewe pinewa ra apasa kewe auchean iotek. Ekkei iotek ra nom non Doctrine and Covenants 20:77, 79. Ekkewe iotek ra achema ngenikich pwe sia pwon ngeni Samach won Nang me met I a pwonei ngeni kich.
Ekkoch mi wor ar ewe pristut ra pasinau ewe sakrament ngeni chon ewe wart ika pranch. Nupwen sia angei ewe sakrament, sia chechemeni ewe Chon Amanau me An ewe fangano manauan fan itach. Sia pwan forsefani ach sipwe aponueta ekkewe pwon mi pin (pwon) sia fen fori ngeni Samach Kot won Nang.
Sia mosonoson nupwen ewe iotekin sakrament me an a passiu. Ew fansoun ach sipwe ekieki ussun manauen Jises Kraist, an afanafan, me Achasefan. Sia pwan tongeni ekieki ifa ussun ach sipwe apiru a nenien apiru.
© 2022 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly Liahona Message, April 2022. Chuukese. 18314 901