Kwojkwoj Eo: Juon Wāween n̄an Keememej Rilo̧mo̧o̧r eo

Pija

placeholder altText

Kōjota Eo Āliktata,, jān Simon Dewey

Juon jota m̧okta jen An kar dōbwāāl, Jisōs Kraist ekar pād ippān Rijilōk ro An ilo Kejota eo Āliktata. Ijo Eaar leļo̧k n̄an er kwojkwoj eo jinointata. Ekar kōmeļeļeiki bwe ekar juon wāween bwe ren keememej E. Kwojkwoj eo ej juon kain̄i ijo jej bōk m̧ōttan pilawā im dān n̄an keememej Pinmuur eo an Kraist. Pilawā eo ej pinej jenkwan āinbwinin Kraist, im dān eo ej pinej jenkwan Bōtōktōkin.

Jej bōk kwojkwoj eo kajjojo Jabōt ilo kweilo̧k in kwojkwoj eo. Jej al juon al ilo an rikabwijer priesthood ro ruje pilawā eo ilo m̧ōttan ko reddik.

Ro rikabwijer priesthood ro rekar ruje pilawā eo rej ba jar in kwojkwoj eo. Jar in epād ilo Katak im Bujen Ko 20:77, 79. Jar kein rej kakeememej kōj ta eo jaar kallimur ippān Jemedwōj Ilan̄ im ta eo Ekar kallim̧uri kōj.

Rikabwijer priesthood ro jet rej leļo̧k n̄an membōr ro an branch im ward eo. Ilo ad bōk kwojkwoj eo, jej keememej Rilo̧mo̧o̧r eo im An en̄taan kōn kōj. Jej bar kallim̧ur n̄an kōjparok bujen (kallim̧ur ko) jaar kōm̧m̧ani ippān Jemedwōj Ilan̄.

Jej kautiej ilo iien an kwojkwoj eo kōjeraam̧m̧an im leto-letak. Ej juon iien n̄an ad kōļmenļo̧kjeņ kōn mour eo an Jisōs Kraist, katak ko, im Pinmuur eo. Jej barāinwōt kōļmenļo̧kjen kōn wāween ad maron̄ ļoor waanjon̄ak eo An.