Te Fa’aora mamae

Hōho’a

’Ua ru’uru’uhia te rima ’o Iesu Mesia

I te haerera’a mai Iesu Mesia i ni’a i te fenua nei, ’ua ti’aturi te tahi mau ta’ata iāna, ’eiaha rā te rahira’a. ’Ua hi’o ’ino ato’a rātou iāna, ’e e rave rahi tei au ’ore iāna. I te pae hope’a, ’ua mā’iti te mau ta’ata ’ia ha’amamae ’e ’ia ha’apohe iāna. (Hi’o 1 Nephi 19:9.)

Hōho’a

Tē pure tūturi ra Iesu i Gesetemane

’Ua rave Iesu Mesia i ni’a iāna iho i tō tātou mau māuiui ato’a, tō tātou ma’i, ’e tō tātou paruparu. ’Ua rave ’oia i te reira ’ia aroha mai ’oia ia tātou ’e ’ia ’ite nāhea i te tauturu ia tātou. (Hi’o Alama 7:11–13.)

Hōho’a

Iesu Mesia i ni’a i te satauro

’Ua māuiui Iesu Mesia nō tā tātou mau hara. ’Ua nā reira ’oia ’ia fa’a’orehia tā tātou mau hara ’ia tātarahapa ana’e tātou. (Hi‘o Te Ha’api’ira’a Tumu ’e te mau Fafaura’a 18:11 ; 19:15–19.)

Hōho’a

tē fāfā nei te mau ta’ata i te rima ’o Iesu Mesia tei ti’afa’ahou

« Tōna mau pēpē » o tōna ïa mau puta. Tē fa’ahōho’a nei te reira i te mau māuiui ato’a tāna i fa’a’oroma’i nō tātou, tae noa atu i te ha’amani’ira’ahia tōna toto ’e tōna pohe. Nō te mea ’ua māuiui Iesu Mesia nō tātou, e nehenehe fa’ahou tō tātou mau pepe e ora roa. Nā roto i tāna tūsia e fa’a’orehia tā tātou mau hara. ’A tātarahapa ai tātou ’e ’a tāmata ai i te ha’apa’o i tā tātou mau fafaura’a, e fa’aora ’e e taui ’oia ia tātou. (Hi’o Mosia 3:7–11 ; Te mau Hīro’a Fa’aro’o 1:3.)