Moses aur Manna

Tasveer

Moses aur Israel ke bachche

Apryl Stott ne chitr banaae

Moses ek prophet raha. Uh Parmeshwar ke vishwaasiyon ke vaada karal jagah ki or le ke jaais raha. Uh log dher din tak paidar chalis raha.

Tasveer

ladkan manna ke saathe

Uh log ke bhook lagta raha. Uh log ke paas ekko khaana nahi raha. Yahi kaaran Parmeshwar uh log ke swarg se khaana bhejis. Uske mannabola ge raha.

Tasveer

beta aur maa manna taeyaar kare hai

Sab roj sabere, uh-log manna batorta raha khaawe ke liye. Lekin uh baasi hoe jaata raha ek raat me. Uh log ke dusra roj aur batore ke rehta raha.

Tasveer

Ishu Masih bachcho ke saathe

Manna hum log ke Ishu Masih ke yaad karawe hai. Parmeshwar manna bhejis raha uh log ke bachawe ke liye. Uh Ishu ke bhejis ih dharti pe hum log ke bachawe ke liye. Hum log ke sab roj Ishu ke zaroorat rahe, jon rakam se sab roj hum log ke khaana ke zaroorat rahe.

Tasveer

bachche Ishu Masih ke tasveer dekhe hai

Hum sakta Ishu ke rakam bane. Uh hamme taaqat dei aur hamme sab roj madad kari Uske pyaar mehsoos kare ke.