Aadhyaatmik Gati ki Shakti

Mere priye bhaaiyo aur bahano, main tumse pyaar karta hoon. Main aaj aapke saath baat karne ka yah avsar sanjota hoon. Main pratidin praathna karta hoon ki aap virodhiyon ke bheeshan hamlon se surakshit rahen aur aapke saamne jo bhi chunautiyaan ho, unse aage badhne ki shakti rahe.

Kuch parikshan gahare niji bojh hain jinhe koi aur nahin dekh sakta. Dusre wo hai jinhe vishwa manch par darshaya jaata hai. Purvi Europe mein shastron ka sangharsh inme se ek hai. Main kai baar Ukraine aur Russia gaya hoon. Mujhe un deshon, logon aur unki bhaashaon se pyaar hai. Main rota hoon aur un sabhi ke liye praathna karta hoon jinpe is sangharsh ka prabhaao hua hain. Ek girjaghar ke roop mein hum un logon ki madad karne ke liye har sambhav prayaas kar rahe hain jo peedit hain aur jiwit rahne ke liye sangharsh kar rahe hain. Hum sabhi ko upvaas jaaree rakhne aur sabhi logon ke liye praathna karne ke liye aamantrit karte hain jo is aapada(calamity) se peedit hai. Koi bhi yuddh har us cheez ka bhayaanak ullanghan hai jiske liye Prabhu Ishu Masih khade hain aur sikhaate hain.

Hum mein se koi bhi raashtron ya dusron ke kaaryon ya yaha tak ki apne parivaaron ke sadasyon ko bhi rokh nahin sakta hai. Lekin hum khud ko rokh kar sakte hain. Mere priye bhaaiyon aur bahanon, aaj mera pukaar hai ki aapke dil, aapke ghar aur aapke jiwan mein chal rahe jhagdon ko samaapt kiya jae. Dusron ko chot pahunchane ke liye kisi bhi aur sabhi jhukaavon ko daphan kar den—chaahe woh jhukaav gussa ho, tej jeebh ho, ya kisi aise vyakti ke liye naaraazgee ho jisne aapko chot pahunchai ho. Rakshak ne hamein dusre gaal ko modne ki aagya dee,¹ apne shatruon se prem karne ke liye, aur un logon ke liye praathna karne ke liye jo hamara upyog karte hain.²

Itna uchit mehsoos karne waale krodh, ko chodna dardnaak roop se kathin ho sakta hai. Un logon ko maaf karna asambhav lag sakta hai jinke vinaashakaari(destructive) kaaryon ne nirdosh ko chot pahunchai hai. Aur phir bhi, Rakshak ne hamen “sab manushyon ko chama karne” ki salaah di.³

Hum Shaanti ke Raajkumaar ke anuyaayi hai. Ab pahale se kahi adhik, hamein woh shaanti chaahiye jo kewal Woh laa sakta hai. Jab hum vyaktigat rup se shaanti aur sadbhaav ki talaash nahin kar rahe hai to hum duniya mein shaanti ki ummeed kaise kar sakte hain? Bhaaiyon aur bahanon, main jaanta hoon ki main jo sujhaav de raha hoon woh aasaan nahin hai. Lekin Ishu Masih ke anuyaayiyon ko puri duniya ke anusaran ke liye ek uddhaaran kaayam karni chahiye. Main aapse vyaktigat sangharshon ko samaapt karne ke liye har sambhav prayaas karne ka anurodh karta hoon jo vartamaan mein aapke dilon aur aapke jiwan mein chal rahe hain.

Kya main is call to ekshan(kuch karne ke pukaar) ko ek avdhaarana par charcha karke rekhaankit kar sakta hoon jo mujhe haal hi mein ek baasketbol khel dekhte samay yaad dilaaya gaya tha.

Us khel ke, pahela bhaag mein kabhi is team ka score upar jaata kabhi uska. Phir, pahle bhaag ke antim paanch sekand ke dauraan, ek teem ke ek gaad ne teen-ankon(point) ka ek sundar shot banaya. Kewal ek sekand ke baad, unke saathi ne inbaund paas chura liya aur bazzar par ek aur basket banai! Isliye woh teem gati ke ek spasht uchaal ke saath chaar ank aage lokar room mein chalee gai. Weh us gati ko dusre bhaag tak le jaane mein safal rahe aur khel jeet liya.

Gati ek shaktishaali avadhaarana hai. Hum sabhi ne ise kisi na kisi roop mein anubhav kiya hai—udhaaran ke liye, ek gaadi mein jo gati pakadta hai ya woh asehmati jo achaanak ek bahas mein badal jaata hai.

To main puchta hoon, adhyaatmik gati ko kya chingaari deta hai? Hamne sakaaraatmak(positive) aur nakaaraatmak(negative) donon gati ke udhaaran dekhe hai. Hum Ishu Masih ke anuyaayiyon ko jaante hai jo parivartit ho gae aur apne vishwaas mein badhte gae. Lekin hum ek baar pratibaddh vishwaasiyon ke baare mein bhi jaante hai jo door ho gae. Gati kisi bhi tarah se badlav kar sakta hai.

Jis gati se burai aur samay ke kaale sanket tej ho rahe hain, uska mukaabla karne ke liye hamen ab se adhik sakaaraatmak aadhyaatmik gati ki aavashyakta nahin hai. Sakaaraatmak aadhyaatmik gati hamen mahaamaari, soonaami, volkanik visphot aur sashastr shatruta se utpann bhay aur anishchitata ke beech aage badhati rahegi. Aadhyaatmik gati hamen virodhi ke athak, dusht hamalon ka saamna karne aur hamari vyaktigat aadhyaatmik neev ko nasht karne ke uske prayaason ko viphal karne mein madad kar sakti hai.

Kai kriyaen sakaaraatmak aadhyaatmik gati ko chingaari de sakti hain. Aagyaakaarita, prem, namrata, sewa aur dhanyevaad⁴ in me se kuch hi hai.

Aadhyaatmik gati banae rakhne mein hamari sahaeta ke liye hum aaj paanch vishisht kaarye ka sujhaav dena chahenge.

Pahela: Vaachan ke maarg par chalo aur wahin raho.

Kuch samay pahele, mera ek chota sapna tha jisme main logon ke ek bade samooh se mila. Unhonne mujhse kai prashn puchhe, jinme se sabse adhik baar vachan ke maarg ke baare mein tha aur yah itna mahatvapurn kyon hai.

Apne sapne mein, mainne samajhaya ki ham baptisma lekar aur Parmeshwar ke saath apni paheli vachan banakar vachan ke maarg mein pravesh karte hai.⁵ Har baar jab ham prabhubhoj mein bhaag lete hain, to hum phir se apne upar Rakshak ka naam lene, Use yaad karne aur Uski aagyaon ka paalan karne ka vaada karte hain.⁶ Badle mein, Parmeshwar hamen aashvaasan deta hai ki hamare paas hamesha Prabhu ki Aatma ho sakti hai.

Baad mein ham mandir mein atirikt anubandh karte hai, jaha hamen aur bhi badi pratigyaen milti hai. Adhyaadesh aur vaachanen hamen ishwariye shakti tak pahunch pradaan karti hai. Vaachan ka maarg hi ekmaatr maarg hai jo utkarsh aur anant jiwan ki or le jaata hai.

Mere sapne mein, ek mahila ne phir pucha ki jis vyakti ne apne vaachanen todi hain, woh us raaste par kaise waapas aa sakta hai. Uske prashn ka mera uttar mere dusre sujhaav ki or le jaata hai:

Har roz pashchataap ke aanand ki khoj karen.

Pashchaatap kitna mahatvpurn hai? Alma ne sikhaya ki hamen “pashchataap aur Prabhu par vishwaas ke alaawa kuch bhi prachaar nahin karna chahiye.”⁷ Har us jawabdeh vyakti se pashchataap ki aavashyakta hoti hai jo anant mahima chahata hai.⁸ Koi apvaad nahin hain. Prophet Joseph Smith ke liye ek revelation mein, Prabhu ne apne bachchon ko susamaachaar nahin sikhaane ke liye Girjaghar ke shuruaati netaon ko taadana dee.⁹ Yeh hai pashchataap ka chaabi. Shuddh vishwaas hamen vachan ke maarg par aage badhane ke liye prerit karta hai.

Kripya daren nahi ya pashchataap karne mein deri na karen. Shaetaan aapke dukh se prasann hota hai. Ise chota karen. Uske prabhaav ko apne jiwan se nikaal de! Praakrtik manushye ko tyaagane ke aanand ka anubhav karne ke liye aaj hi shuru karen.¹⁰ Rakshak hamen hamesha pyaar karta hai lekin khaaskar jab ham pashchaatap karte hain. Usne vaada kiya ki “chaahe parwat hat jaaye aur pahaadein khisak jaaye, … meri daaya tujh se dur nahi hogi.”¹¹

Agar aapko lagta hai ki aap vaachan ke raaste se bahut dur ya bahut lambe samay se bhatak gae hain aur lautne ka koi raasta nahin hai, to yah sach nahin hai.¹² Kripya apne bishop ya shaakha adhyaksh se sampark kare. Woh Prabhu ka agent hai aur aapko pashchatap ke aanand aur raahat ka anubhav karne mein madad karega.

Ab, ek chetaavani: vaachan ke maarg par lautne ka arth yah nahi hai ki jiwan aasaan ho jaega. Yah raasta kathin hai aur kabhi-kabhi ek khadi chadhai ki tarah mehsoos hoga.¹³ Haalaanki, yah chadhai hamen parkhane aur sikhaane, hamare svabhaav ko parishkrt karne aur hamen sant banane mein madad karne ke liye banaya gaya hai. Yeh sirf ekmaatr maarg hai jo anant jiwan ki or le jaata hai. Ek prophet‍¹⁴ ne “Parmeshwar ki aagyaon ko maanne waalon ki dhany aur sukhi dasha” ka varnan kiya. Kyunki dekho, u log ke sab baat mei ashirvaad mile hai, chaahe woh shaaririk ya aatmik ho; aur [agar] u log anth tak sachche rahe, tab un ko swarg mei le liya jaaega, jisse u log anant sukh ke stithi me Parmeshwar ke sange rahi.”¹⁵

Vaachan ke maarg par chalna, daenik pashchatap ke saath, sakaaraatmak aadhyaatmik gati ko badhaawa deta hai.

Tasveer

sammelan dekh rahi mahila

Mera teesra sujhaav: Parmeshwar ke baare mein jaaniye aur Woh kaise kaarye karta hai.

Aaj hamari sabse badi chunautiyon mein se ek hai Parmeshwar ke satyon aur Shaetaan ke jaalsaajon ke beech bhed karna. Yahi kaaran hai ki Prabhu ne hamein chetaavani di ki “hamesha praathna karen, … ki [ham] Shaetaan se jeet sakein, aur … Shaetaan ke sewakon ke haathon se bach sakein jo uske kaam ko kaayam rakhte hain.”¹⁶

Moses ne ek udhaaran diya ki kaise Parmeshwar aur Shaetaan ke beech bhed kiya jae. Jab Shaetaan Moses ko lubhaane aaya, to usne dhokhe ka pata laga liya kyunki usne abhi-abhi Parmeshwar ke saath aamne-saamne ki baatcheet ki thi. Moses ne jaldi hi jaan liya ki Shaetaan kaun tha aur use jaane ki aagya di.¹⁷ Jab Shaetaan bana raha, Moses jaanta tha ki kaise adhik madad ke liye Parmeshwar ko pukaarna hai. Moses ne divye shakti praapt ki aur dusht ko phir,se yah kehte hue phatkaar lagai, “He Shaetaan, mere paas se chala jaa, kyunki main kewal isi ek Parmeshwar ki upaasna karunga.”¹⁸

Aur sabhi ko yeh aise hi karna chahiye. Shaetaan ke prabhaav ko apne jiwan se nikaal de! Kripya uske piche uske “dukh aur antahin shok ki khaadi” ka anusaran na karen.¹⁹

Darwaana tezi ke saath, ek gawahi jo pratidin “Parmeshwar ke bhale vachan se poshit nahin hoti hai”²⁰ toot sakti hai. Is prakaar, Shaetaan ki yojna ka pratikaar spasht hai: hamen Prabhu ki aaraadhana aur Unke susamachaar ka adhyyan karne ke daenik anubhavon ki aavashyakta hai. Mai aapse vinti karta hoon ki Parmeshwar ko apne jiwan mein prabal hone de. Use apne samay ka uchit hissa de. Jaisa ki aap karte hain, dhyaan de ki aapki sakaaraatmak aadhyaatmik gati ka kya hota hai.

Sujhaav sankhya 4: chamatkaar ki talaash kare aur ummeed karen..

Moroni ne hamen aashvaasan diya ki “Parmeshwar chamatkaaron ka devta nahin raha hai.”²¹ shaastr kee pratyek pustak darshaati hai ki Prabhu un logon ke jiwan mein hastakshep karne ke liye kitne ichchuk hai jo us par vishwaas karte hai.²² Usne Moses ke liye Red Sea ko alag kar diya, Nephi ko brass plates ko punah praapt karne mein madad ki, aur Prophet Joseph Smith ke maadhyam se Apne Girjaghar ko punarsthaapit kiya. In chamatkaaron mein se pratyek mein samay lagta tha aur ho sakta hai ki un vyaktiyon ne mool roop se Prabhu se anurodh nahin kiya ho.

Ussi tarah, Prabhu aapko chamatkaaron se aashishit karega agar aap us par vishwaas karte hai, “kuch bhi sandeh na karen.”²³ Chamatkaaron ki talaash ke liye aadhyaatmik kaarye kare. Us tarah ke vishwaas ka prayog karne mein aapki madad karne ke liye Parmeshwar se praathna kare. Main vaada karta hoon ki aap swayn anubhav kar sakte hain ki Ishu Masih “behosh logon ko shakti deta hai; aur jin ke paas paraakram nahin hai, unke liye woh bal badhaata hai.”²⁴ Kuch cheezein aapki aadhyaatmik gati ko tej kar dengi, yah mehsoos karne se jyaada ki Prabhu aapke jiwan mein ek pahaad ko hilaane mein aapki madad kar rahe hai.

Tasveer

sammelan dekh rahi parivaar

Sujhav sankhya 5: Apne nijee jiwan mein sangharsh samaapt karen.

Main aapke jiwan mein sangharshon ko samaapt karne ke liye apne pukaar ko dohraata hoon. Chama karne aur chama maangne donon ke liye aavashyak namrata, saahas aur shakti ka prayog kare. Rakshak ne vaada kiya ki “agar [hum] dusron ke galtiyon ko maaf karenge, [hamare] swarg ke Pita [hamein] bhi maaf karega.”²⁵

Aaj se do hafte baad ham Easter manaate hai. Ab aur tab ke beech, mai aapko ek vyaktigat sangharsh ko samaapt karne ke liye aamantrit karta hoon jisne aap par bojh daala hai. Kya Unke Praeshchit ke liye Ishu Masih ke prati krtagyata ka isse adhik upyukt kaarye ho sakta hai? Yadi chama vartamaan mein asambhav prateet hoti hai, to Ishu Masih ke praeshchit lahoo ke dwara saamarth ki yaachana karen taaki aapki sahaeta ki jaa sake. Jab aap aisa karte hai, main vyaktigat shaanti aur aadhyaatmik gati ke visphot ka vaada karta hoon.

Jab Rakshak ne saari maanavjaati ke liye praeshchit kiya, to Usne ek raasta khol diya ki jo log Uska anusaran karte hain weh Uski changaai, mazbuti, aur mukti ki shakti tak pahunch sakenge. Ye aadhyaatmik visheshaadhikaar un sabhi ke liye uplabdh hai jo Use sunna aur Uska anusaran karna chahate hai.

Mere pyaare bhaaiyo aur bahano, mere dil ki sabhi yaachnaon ke saath, main aapse vaachan ke maarg par chalne aur wahin rehne ka aagrah karta hoon. Pratidin pashchataap karne ki khushi ka anubhav kare. Parmeshwar ke baare mein seekhein aur Woh kaise kaarye karta hai. Chamatkaar ki talaash kare aur ummeed kare. Main aapke jiwan mein sangharshon ko samaapt karne ke liye apne pukaar ko dohraata hoon.

Jab aap in kaaryon par kaarye karte hai, to main aapse vaada karta hoon ki aap jo bhi baadhaon ka saamna karte hai, uske bauvjood aap vaachan ke maarg par adhik gati ke saath aage badhne ki chamta rakhte hai. Aur main aapko pralobhan ka virodh karne ke liye adhik shakti, man ki shaanti, bhay se mukti aur aapke parivaaron mein adhik ekta ka vaada deta hoon.

Parmeshwar jiwit hai! Ishu hi Masih hai! Wah jiwit hai! Uh hum log se pyaar kare hai, aur hum log ke madad kari. Iski main gawahi deta hoon hamare Muktidaata, Ishu Masih ke pavitra naam se, amen.