Kāālet

Maron̄ eo ad n̄an kāālet im jerbal n̄an kōj make ej ņae etan anemkwoj im kāālet. Ej juon m̧ōttan aorōk an karōk eo an Jemedwōj Ilan̄. Juon un ilo mour in ej n̄an kwaļo̧k bwe jenaaj kāālet n̄an pokake kien ko an Anij bwe jān maron̄ erom̧ āinwōt E. Jenaaj ekajet ekkar n̄an kāālet ko ad. (Lale 2 Nipai 2:27; Katak im Bujen Ko 101:78; Ebream 3:25.)

Joshua ej rōjan̄ armej ro an n̄an kāālet “rainin,” ak kiiō. Jemaron̄ kōm̧m̧ani kāālet ko raorōk innem kajjieon̄ in pād wōt ilo ad m̧ool n̄ani. (Lale Sam ko 37:5.)

Ilo eoon in, n̄an jerbal ej n̄an kabun̄jar, jipan̄, pokake, im leļo̧k kwe make n̄an juon armej. Jej aikuj jerbal n̄an Irooj (lale Moses 1:15).

Israel em̧ōj kakien n̄an jerbal n̄an Anij eo wōt em̧ool im emour, Jisōs Kraist (lale Exodus 20:2–5). Joshua ej letok waanjon̄ak ko kōn anij ko jet me armej ro an rej jab aikuj kabun̄jar n̄ane. Anij ro jet ilo mour ko ad emaron̄ koba mweuik, ļōmņak ko kōn ro jet, im men ko jet em̧m̧an ippād—jabdewōt men ko rej bōk kōj jān Irooj.

Joshua ekar kōnono kōn e make im ro ilo m̧weo im̧ōn. Ekar ba renaaj jerbal n̄an Irooj. Ekar kōņaan tōl baam̧le eo an n̄an weppān im katakin er n̄an ļoore Irooj (lale Katak im Bujen Ko 93:40).