Fapi Chep nib Thothup: Thin rok’ Got

Fare Bin Kakrom e M’ag e bay babyoren rogon ni fanow nag Got fapi gidii’ rok’ riy ni bay e m’ag u thilrad ko ngiyal’ ni kab kakrom. Nib mu’unb fapi michib rok’ fapi profet ngay ni wod Moses, Joshua, Isaiah, Jeremiah, nge Daniel. Arram rogon nni yoloy nib pag mir’ay e duw u mm’on nin gargeleg Yesus Kristus, oren fapi profet ko Bin Kakrom e M’ag e ra yoloyed mornga’agen.

Fare Bin Be’ech e M’ag e babyoren mornga’agen e gargel rok’, yafos rok’ u fayleng, fapi michib rok’, nge fare Bayul rok’ Yesus Kristus. Nib mu’un fapi michib ko fapi Apostle rok’ Kristus ngay nge ku boch pi gachalpen. Fare Bin Be’ech e M’ag e ma ayuwegdad ngad nanged fan rogon ni ngad fol gad ko gospel rok’ Yesus Kristus e dabay.

Fare Babyor ku Mormon e bay babyoren e gidii’ riy ni’i par u Mariken nib kakrom. Nib mu’un e michib ko profet ngay ni bo’or, ni fan e nge ayuweg e gidii’ ni ngar nanged ni Yesus e ir fare Kristus. Fare Profet Joseph Smith e pilyeg e thin riy ko fare gold plate u daken fare tawa’ath nge gelngin Got.

Fare Doctrine and Covenants e basug mornga’agen e yi’iy riy ni thapeg Joseph Smith nge ku boch e profet ko tin tomur e rran. Tiney e yi’iy e weliy rogon ni ngan yarmiy fare Galasia rok’ Kristus. Kab mu’un e michib ko gospel ngay nib ga’fan ni mornga’agen e priesthood, fapi gam’ing ko gospel, nge n’en nra buch u tomuren e biney e yafos.

Fare Pearl of Great Price e bay e babyor ku Moses riy nge Abraham, fare mich ku Joseph Smith, nge fapi Kenggin Lik’ngin e Mich ko Galasia riy. Bay ni kab mu’un Joseph Smith ngay—Mathew, bang ko pilyeg thin rok’ Joseph Smith ko fare Bin Kakrom e M’ag.

Fapi profet e ke michib nag ngodad ni ngad filed fapi chep nib thothup ni gubin e rran. Ran rrin’ e biney ma ra ga’nag e mich rodad me chuchugur nagdad ngak e Chitamangdad nu Tharmiy nge Yesus Kristus. Napan ni gadadra fil fapi chep nib thothup u fithik e meybil, ma fare Kan ni Thothup e ra ayuwegdad nge pii’ e fulweg ko fapi duwer ni bay rodad.

Napan nra non fapi profet nge fapi apostles e dabay u daken gelngin fare Kan ni Thothup, fapi thin rorad e wod e chep nib thothup. Biney e wod e general conference. Rayag ni ngad filed fapi michib ko conference ni bay ulan e babyor ko Liahona ko May nge November.

siasing/Llecheklel

Moses ni gel ngak Mo’oniyan’

Moses ni gel ngak Mo’oniyan’, yib rok’ Joseph Brickey