Men serepetail

Nan Kadehde Mering, aramas akan kin doadoahngki men ser kan pwehn kamaraihni irail nan wasa rotorot kan. Palilaud en men ser pwukat kin ahniki soangen kahrepe siluh:

1. Mwomwen dahl loal ehu me wiawikihda kileih pwehn kak kol leh olip me kin doaodahk; kin mih ni wen saihs ehu me pahn kak itarehngete nan pehn aramas emen

2. Oh wihk me wiawihsang soangen dihpw ehu pahn kin isihsda mwurin ah pahn kin ihkada lehu

3. Oh mwomwen mehn kolkol ehu me kin kolada wihko

Kisin sehr me kin doadoahngki leh oh ehu wihk me kin kak kamaraihn irailda ki wen piht kei. Ma kin doadoahk ni ansou me irail kin alialu seli, irail kin kakete kihwei wen kisin marain me irail pahn kak kilang wasa irail pahn alu ie mwohrail pwe irail en kak alu mwahu nan rotoroto.

Kilel

Sises Krais kolokol lahmp

Doadoahngki ni mweimwei. Lead, Kindly Light, sang Simon Dewey. Courtesy of altusfineart.com © 2022.

Mahsen en Kauno kak kamarainih atail ahl akan me mih nan rotorot oh saweweh kan me kapilkitailpenehr pohn sampah.

Kauno ketin mahsanieng kitail en dehr karotengehla atail maraihn ahpw kitail en weuwa maraihn en rongamwahuo rehtail pwe mehteikan en kak kilang (kilang Madiu 5:14-16).

Met kitail me wihwia kitail en audaudeh neitail men sehr kan ki leh (kilang Madiu 25:1-3). Kitail pahn kin wia met sang ni kapakap, onopki pwuhk sarawi kan, papah mehteikan, idawehn soukohp akan, oh ekei wiewiahn pwoson oh ehupenehn sarawi (kilang Spencer W. Kimball, Faith Precedes the Miracle [1972], 256).

Ma kitail pahn kakakehlaka atail pwoson, Kauno pahn kin ketin kamarainiada atail ahl akan pwehn itarehng kitail en kak pil kahkewei mwowe (kilang Boyd K. Packer, “The Candle of the Lord,” Ensign, Jan. 1983, 54).