Gharelu Shaam Sabha Konchi Hai?

Tasveer

maa, pita, aur choti ladki baahar baethe huwe hai

Gharelu shaam sabha ek samay nikala gaya hai hafte me jab aapka parivaar ikattha hota hai. Is daoraan, aap “susamachaar seekh sakte hai, gawahiyaan mazboot kar sakte hai, ekta badha sakte, aur ek duje ke saath ka maza lete hai” (General Handbook: Serving in The Church of Jesus Christ of Latter-day Saints, 2.2.4, ChurchofJesusChrist.org). Gharelu shaam sabha har ek parivaar ke liye kuch alag sa hota hai. Lekin maksad hai Rakshak ke jitna ho sake kareeb aaye is samay ke madad se.

Taeyaari

Aisan ek cheez yaad karo jon aapke parivaar saathe kare ke pasand kare hai aur ek susamachaar sambandhit vishay sochein jispe aap ek saath milke baat cheet karna aur seekhna chahate ho. Saath hi, har hafte me ek roj aur samay chuniye jab parivaar ke zyaada log ya sabhi sadasye mil sakein. Church chahata hai ki sadasye Somwaar raat ko gharelu shaam sabha karein. Lekin parivaar tab mil sakte hain jab unke liye sabse suvidha ka samay ho.

Tasveer

parivaar praathna kar raha hai

Praathna

Kayi parivaarein gharelu shaam sabha praathna se shuru aut khatm karte hai. Isse unke ghar me Pawitr Aatma amantrit hota hai. Gharelu shaam sabha uchit samay hai bachchon aur buzurgon ko ek chote sangathan me praathna seekhne ke liye.

Sangeet

Kayi parivaarein ek shuruaat aur anth waala gaana bhi rakhte hai. Woh aksar gaana hymnbook ya Primary songbook me se chunte hai. Girjaghar ke paas piano recordings hai hymns ke music.ChurchofJesusChrist.org pe. Aap Temple Square pe Tabernacle Choir ke videos bhi dekh sakte hai. Gharelu shaam sabha ke samay gaane se sadasyon ko girjaghar me gaae gaye gaano ko seekhne me madad milti hai.

Paath

Girjaghar ke paas dher sansaadhan(resources) hai jo gharelu shaam sabha me madad kar sakte hai. Aap kuch minatein lag sakte hai Liahona, the Friend, ya For the Strength of Youth me se ek lekh ko padh ke uspe charcha karne me. Yeh Church videos dekhne aur charcha karne ka samay bhi ho sakta hai. Ya aap maha sammelan se ek bhaashan padh sakte hai, shaastr padh sakte hai, ya us hafte ke Come, Follow Me padhaai pe charcha kar sakte hai.

Tasveer

bachche cookies bana rahe hai

Bachche cookies bana rahe hai waala tasveer Michelle Loynes ne khincha tha

Parivaar ki Bhaagidaari

Bachche gharelu shaam sabha me bhaag le sakte hai. Woh activities ki yojna bana sakte hai, praathna kar sakte hai, ya gaana ko chunn ya aguwaai kar sakte hai. Woh sabak bhi sikha sakte hai. Gharelu shaam sabha se pehle, aap apne bachche ki madad kar sakte hai Friend magazine ya unke manchaahe dharamshaastr kahani ko padhne me. Bachcha tab us kahani ko parivaar ko sabak ke rup me bata sakta hai. Kayi bachche gharelu shaam sabha ke liye shaastron ki kahaniyaan ka abhinay karna bhi pasand karte hai. Bade bachchon ko paath ki yojna banane dein ya ek maha sammelan bhaashan chune jise woh padhna chahate hai. Phir unhe charcha lead karne dein.

Activities(gatividhiyaan)

Kayi parivaarein gharelu shaam sabha me gatividhiyaan karna pasand karte hai. Andar kiye jaane waale gatividhiyaan hai games khelna, crafts karna, ya saath me kuch pakana.

Baahar kiye jaane waale gatividhiyaan hai paedal chalna(walk), saath hike pe jaa sakte hai, ya ek saath koi baahar waala khel khelna. Ek aisan gatividhi dhoondhe jon parivaar ke sabhi sadasye kare sake, aur saath maze lein. Mukaable waale palon se door rahe jisse Aatma nahi rahegi.

Sewa

Gharelu shaam sabha ek achcha samay hai parivaaron ko kisi ki sewa karne ke liye. Uddharan ke liye, aap kisi buzurg padosi ki madad kar sakte hai, anaatho me bhojan baat sakte hai, missionariyon ke paas sandesh bhej sakte hai, ya kuda-kadkat bator sakte hai.